Isroilning Bayrutda Rafiq Haririy kasalxonasi yaqinidagi hujumida halok bo‘lganlar soni 13 kishiga yetdi

Kechasi Livan poytaxtidagi Rafiq Haririy davlat kasalxonasi atrofi Isroil samolyotlari tomonidan zarbaga uchradi.

Foto: Anadolu Agency

Livan poytaxti Bayrutdagi Rafiq Haririy davlat kasalxonasi yaqinida bir kecha-kunduzda Isroil havo hujumi oqibatida halok bo‘lganlar soni 13 kishiga yetdi, 57 kishi yaralandi.

Livan Sog‘liqni saqlash vazirligi ma’lumotlariga ko‘ra, Jyena hududidagi Rafiq Haririy davlat shifoxonasi atrofi tunda Isroil samolyotlari tomonidan zarbaga uchragan.

Qayd etilishicha, Isroil havo hujumida 13 kishi, jumladan bir bola halok bo‘lgan. Bundan tashqari, 57 kishi jarohatlangan, ulardan 7 nafarining ahvoli og‘ir.

Isroil hujumi Rafik Haririy davlat kasalxonasiga katta zarar yetkazgani bildirildi.

Avvalroq Livan Sog‘liqni saqlash vazirligi Rafiq Haririy davlat shifoxonasi yaqinidagi hududda Isroil havo hujumi oqibatida to‘rt kishi halok bo‘lgani va 24 kishi yaralangani haqida xabar bergan edi.

Tayyorlagan: Отабек Матназаров

#Isroil #Bayrut