17 oktyabr kuni Toshkent viloyatining Bo‘stonliq tumanida JETOUR T2 krossoverining rasmiy taqdimot marosimi bo‘lib o‘tdi.
JETOUR T2 bu — zamonaviy, jadal va nazariy dizayni bilan ajralib turadigan krossover. Uning brutal ko‘rinishi uni haqiqiy yetakchiga aylantiradi. Mashinaning oldi va orqa tomonidagi faralar har qanday ob-havoda yo‘lni aniq ko‘rish imkonini beradi. Zaxira g‘ildirak qutisi uning ko‘rinishiga yanada yaqinlik va yengilmas tuyg‘uni qo‘shadi. 20 dyuymli diski esa avtomobil shaklini yanada go‘zallashtirgan.
Interer va uyg‘unlik
JETOUR T2 intererida ergonomik o‘rindiqlar va charmdan ishlangan salon alohida diqqatni jalb qiladi. Ko‘p funksiyali rul nafaqat boshqaruvni osonlashtiradi, balki haydovchida hukmronlik tuyg‘usini oshiradi. 15,6 dyuymli displey bilan boshqaruv yanada qulaylashgan. Intererning jozibador taraflaridan yana biri – ekologik toza materiallardan ishlanganligida.
JETOUR T2 maksimal versiyasining kapoti ostida 2 litrli turbodvigatel joylashgan. U, shuningdek, BorgWarner XWD aqlli boshqaruvi va differensial qulfi bilan jihozlangan. 6+X rejimidagi aqlli boshqaruv tizimi mashinaga yo‘l sharoitlarini avtomatik ravishda aniqlash imkonini beradi. Bu aniq aytganda ancha murakkab yo‘llarda xavotirlanmasdan yurishingiz mumkin, degani.
JETOUR T2ʼda nafaqat haydovchi, balki yo‘lovchilar ham qulayliklardan bahramand bo‘lishi mumkin. Salondagi kenglik va yaratilgan qulayliklar buni ko‘rsatadi. JETOUR T2 o‘zida salon o‘zgartirish xususiyatiga ega. Ya’ni sizga yuk uchun kengroq joy kerak bo‘lganda ikkinchi qator o‘rindiqlarini buklash bilan yetarlicha hajmdagi joyga ega bo‘lish mumkin. Orqa qator o‘rindiqlari buklanganda yukxona hajmi 1494 litrga yetadi.
Innovatsion texnologiyalar va oqilona boshqaruv
JETOUR T2 krossoveri zamonaviy texnologiyalar bilan ta’minlangan, bu uni ekstremal shartlar uchun ham ideal vositaga aylantiradi. Avtomobilning barcha g‘ildiraklari harakatlanadi, chunki u juda mukammal XWD (aqlli to‘liq g‘ildirakli) harakatlanish tizimiga ega. Bu tizim BorgWarner’ning oltinchi avlodidan bo‘lib, vaziyatlarni avtomatik ravishda aniqlab, optimal boshqarish va differensialni quflashni ta’minlaydi.
XWD tizimi, talab qilinadigan holatlarda, to‘liq g‘ildirakli haydash rejimini faollashtirib, maksimal tortishish uchun kuchi optimal taqsimlanadi. Agar zarur bo‘lsa, orqa g‘ildiraklarga avtomatik ravishda qo‘shimcha aylanish kuchi beriladi. Bu esa haydovchiga transport vositasini to‘xtatmasdan, murakkab va qiyin hududlarda osonlik bilan haydash imkonini beradi. Bunday funksionallik turli sharoitlarda barqarorlik va ishonch bilan harakatlanishni ta’minlaydi.
