Andijonda tuman tibbiyot birlashmasi boshlig‘i va kadrlar bo‘limi boshlig‘i ushlandi
Ikki mutasaddi fuqarodan uni tibbiyot birlashmasiga ishga qabul qilish evaziga pul olayotganda qo‘lga tushgan.
![](https://storage.kun.uz/source/10/I6jKYBZY-zsnyot0y1KoSG01b8Ls-ad5.jpg)
Foto: Bosh prokuratura
Andijon viloyati Qo‘rg‘ontepa tuman tibbiyot birlashmasi boshlig‘i vazifasini bajaruvchisi va kadrlar bo‘limi boshlig‘i ushlangan. Bu haqda Bosh prokuratura huzuridagi departament xabar bermoqda.
Ma’lum qilinishicha, departamentning Qo‘rg‘ontepa tumani bo‘limi va IIB xodimlari hamkorligida o‘tkazilgan tezkor tadbirda tuman tibbiyot birlashmasining kadrlar bo‘limi boshlig‘i N.X. fuqaro X.M.ni ushbu tibbiyot birlashmasiga ishga qabul qilish masalasini hal qilib berishi evaziga 500 dollar olgan vaqtida ushlangan.
Uning ko‘rsatmasiga asosan davom etgan tadbirda Qo‘rg‘ontepa tuman tibbiyot birlashmasi boshlig‘i vazifasini vaqtincha bajaruvchisi Ya.A. fuqaro X.M.ni yuqumli kasalliklar bo‘limiga ishga qabul qilishi evaziga o‘z xizmat xonasida kadrlar bo‘limi boshlig‘idan 500 dollarni olgan vaqtida ashyoviy dalillar bilan ushlangan.
Qayd etilishicha, mazkur holatlar yuzasidan Jinoyat kodeksining 210-moddasi (pora olish) jinoyat ishi qo‘zg‘atilib, tergov harakatlari o‘tkazilmoqda.
Mavzuga oid
![](https://storage.kun.uz/source/thumbnails/_medium/11/1oRIIofuWEyuUzCZIOaS0N6Bwkx1puOq_medium.jpg)
00:41 / 27.01.2025
Surxondaryoda pora bilan ushlangan hokim yordamchisiga hukm o‘qildi
![](https://storage.kun.uz/source/thumbnails/_medium/10/lvy2z_OJHAGdH8NdEgD1GFWHFX1qx8nm_medium.jpg)
11:30 / 11.01.2025
Olmazor tumani prokuraturasi tergovchisi 20 ming dollar pora bilan qo‘lga olindi
![](https://storage.kun.uz/source/thumbnails/_medium/10/56nFrg06-KLgb9qDNoAnIc9ezPUVeBWY_medium.jpg)
18:18 / 03.01.2025
Navoiyda “arizachi” Bosh prokuratura departamenti xodimlarini chuv tushirib, tezkor tadbirdagi pulni olib qochdi
![](https://storage.kun.uz/source/thumbnails/_medium/10/GhQEON36rVKDoAZP5FMrGTHjRrpU2Fgy_medium.jpg)
21:00 / 09.12.2024