Shavkat Mirziyoyev Aksa Enerji kompaniyasi bilan hamkorlik rejalarini ko‘rib chiqdi

Ushbu kompaniya bilan o‘zaro manfaatli hamkorlikni rivojlantirish masalalari, uning O‘zbekiston energetika tarmog‘ini kengaytirish va texnologik modernizatsiya qilish loyihalarida ishtirok etish rejalari ko‘rib chiqildi.

Davlat rahbari Turkiya kompaniyasi bilan hamkorlikda Toshkent va Buxoro viloyatlarida umumiy quvvati 740 megavatt bo‘lgan zamonaviy elektr stansiyalarini qurish loyihalari muvaffaqiyatli amalga oshirilganini mamnuniyat bilan qayd etdi. Qashqadaryo viloyatining Nishon tumanida quvvati 400 megavatt bo‘lgan yangi elektr stansiyasini ishga tushirish marosimi bo‘ldi.

Ikki tomonlama "yo‘l xaritasi"ga muvofiq "yashil" energetika sohasida, jumladan, gaz taqsimlash tizimlarini modernizatsiya qilish, biogaz stansiyalarini qurish, sanoat zonalarini energiya bilan barqaror ta’minlash va boshqa istiqbolli loyihalar muhokama qilindi.