O‘zbekiston va Iordaniya qo‘shma tadbirlarni amalga oshirishni muhokama qildi

O‘zbekiston tashqi ishlar vazirining birinchi o‘rinbosari Iordaniya elchisi bilan yangi yilda qo‘shma tadbirlarni amalga oshirish masalalarini muhokama qildi.

Foto: dunyo.info

O‘zbekiston tashqi ishlar vazirining birinchi o‘rinbosari Bahrom A’loyev Iordaniya elchisi Demiye Zuxr Muhammad Xaddad bilan uchrashuv o‘tkazdi.

TIV xabariga ko‘ra, uchrashuvda ikki tomonlama hamkorlikning ustuvor yo‘nalishlari, xususan, siyosiy va savdo-iqtisodiy aloqalarni chuqurlashtirish, madaniy-gumanitar almashinuvni faollashtirish masalalari muhokama qilindi.

Shuningdek, 2025 yilga mo‘ljallangan qo‘shma tadbirlarni amalga oshirish bo‘yicha o‘zaro fikr almashildi.