2024 yilda tabiiy ofatlar oqibatida dunyo iqtisodiyotiga yetkazilgan zararning umumiy miqdori 320 milliard dollarni taşkil etdi — bu 2023 yilgi körsatkiçlardan taxminan 30 foizga köp.
Dunyodagi eng yirik qayta suğurtalaş kompaniyasi Munich Re’ga köra, suğurtalangan zarar miqdori taxminan 140 milliard dollarni taşkil etgan — bu 2017 yilda, AQŞga «Harvi», «Irma» va «Mariya» töfonlari yopirilişi oqibatida yetkazilgan zarardan beri qayd etilgan eng yuqori körsatkiç.
Suğurtalangan zararlarning umumiy zarar hajmidagi uluşi qariyb 44 foizni taşkil etib, uzoq yillardan beri 30 foizni taşkil etayotgan körsatkiçdan oşib ketgan.
2024 yilda global yöqotişlarning taxminan uçdan ikki qismi — 190 milliard dollari Şimoliy Amerika, şuningdek, Markaziy Amerika va Karib havzasidagi tabiiy ofatlar oqibatida yuzaga kelgan. Bular, xususan, ikki haftalik farq bilan Floridaga yopirilgan «Milton» va «Helen» töfonlari bilan ham boğliq.
Bundan taşqari, sentabr oyida Xitoy va Vetnam sohillarida kuzatilgan «Yagi» töfoni ham jiddiy ofatga aylangan. U yetkazgan iqtisodiy zarar 14 milliard dollarga baholanmoqda — suğurtalangan zararlar miqdori esa atigi 1,6 milliard dollarni taşkil etadi.
Munich Re ma’lumotlariga köra, umumiy hisobda 2024 yilda tabiiy ofatlar natijasida 11 ming kişi halok bölgan — bu sönggi ön yildagi örtaça körsatkiçdan (17,5 ming) kam.
