Qoʻshimcha funksionallar
-
Tungi ko‘rinish
Isroil G‘arbiy Sohilda yangi harbiy operatsiya boshlanganini e’lon qildi
Isroil mudofaa kuchlari Jyenin shahrida terrorizmga qarshi operatsiya boshlanganini ma’lum qildi.
Foto: Nasser Ishtayeh
Isroil harbiylari va xavfsizlik kuchlari G‘arbiy Sohilda «Temir qalqon» aksilterror operatsiyasini boshladi, deb xabar qildi bosh vazir Binyamin Netanyahu ijtimoiy tarmoqda.
«Bu Yahudiya va Samariyada xavfsizlikni mustahkamlash bo‘yicha maqsadimizga erishish yo‘lidagi yana bir qadamdir. Biz qurolini qayerga qaratmasin, Eron o‘zagiga qarshi usluban va qat’iy harakat qilamiz», deb yozdi u.
Isroil mudofaa kuchlari (TSAHAL) ham Jyenin shahrida (Falastin ma’muriyati markazi) terrorizmga qarshi operatsiya boshlanganini ma’lum qildi.
Amaliyot oldidan G‘arbiy Sohildagi Jinsafut va Al-Funduq aholi punktlari hududlarida tartibsizliklar bo‘lib o‘tgan, bu jarayonda ikki isroillik yaralangan.
Falastin Sog‘liqni saqlash vazirligi ma’lumotlariga ko‘ra, Isroilning Jyenindagi amaliyoti chog‘ida to‘rt kishi halok bo‘lgan, 35 nafari yaralangan.
O‘rdun daryosining G‘arbiy Sohili - qisman tan olingan Falastinning hududlaridan biri hisoblanadi. Falastin milliy ma’muriyati (FMM) tomonidan nazorat qilinadi. Ikkinchi qism — G‘azo sektori HAMAS harakati tomonidan nazorat qilinadi. Isroil 15 oylik urushdan so‘ng, yaqinda u bilan sulh bitimini imzoladi.
G‘azoda tinchlik sulhi
