Kiyev kelasi juma, 28 fevral kuni AQŞ bilan muzokaralar ötkazişga tayyorlanmoqda. Ukraina prezidenti Volodimir Zelenskiy şu kuni AQŞ prezidenti Donald Tramp bilan uçraşişi kutilmoqda. Bu haqda Zelenskiyning 26 fevral, çorşanba kuni vatandoşlariga qilgan keçki murojaatida aytilgan.
«Guruhlarimiz Amerika bilan işlamoqda, şu juma kuni muzokaralarga tayyorgarlik körmoqdamiz. Amerika bilan kelişuv. Davlatimiz va xalqimizni qöllab-quvvatlaş. Tinçlik va xavfsizlik kafolatlari Rossiya boşqa xalqlar hayotini yöq qilmasligi uçun kalitdir. Men prezident Tramp bilan uçraşaman. Amerikaning yordami töxtatilmasligi men va butun dunyo uçun muhim. Tinçlik yölida kuç-quvvat kerak», dedi Ukraina rahbari.
Zelenskiy Kiyev barça sa’y-harakatlarini keng kölamli hamkorlar bilan muvofiqlaştirganini va uning fikriça, «yevropaliklar Yevropaga oid barça diplomatik sa’y-harakatlarning bir qismi bölişi kerak»ligini qöşimça qildi.
Kiyev AQŞ bilan resurslar böyiça bitim imzolaşga tayyor
Avvalroq, 26 fevral kuni Ukraina boş vaziri Denis Şmixal Kiyev hukumati «Ukraina va AQŞ örtasida sarmoyalarni tiklaş jamğarmasini taşkil etiş töğrisidagi bitimni imzolaş uçun zarur qarorlar qabul qilayotganini» aytdi. Şartnoma Qöşma Ştatlarga Ukrainaning mineral resurslariga kirişini ta’minlaşga qaratilgan. AQŞ prezidenti Donald Tramp bu kelişuvni uning mamlakati Ukrainani Rossiya agressiyasidan himoya qiliş uçun ajratgan mablağlarni qoplaş usuli sifatida körmoqda.
Volodimir Zelenskiy uşbu hujjatning dastlabki nusxasini imzolaşdan boş tortdi. 23 fevral kuni AQŞ prezidenti Donald Trampning Yaqin Şarq böyiça maxsus vakili Stiv Uitkoff CNN telekanalida Tramp Zelenskiyga «xabar» jönatganini va u bitimni imzolaş borasida «endi ikkilanayotganini» aytdi.
