«Sizlarni qöllab-quvvatlaşdan heç qaçon çarçamaymiz» - prezident xotin-qizlarni tabrikladi
|19:27 / 07.03.20252 13018 min
Prezident xotin-qizlarga yöllagan tabrigida ularning huquq va manfaatlarini ta’minlaş siyosiy ustuvor vazifa ekanini ta’kidlab, ularni «zamonamizning haqiqiy qahramonlari» deb atadi. «Xalqimizning roziligini, avvalo, sizlarning roziligingiz, deb tuşunamiz», - dedi davlat rahbari.
Foto: Prezident matbuot xizmatiFoto: Prezident matbuot xizmati
Özbekiston prezidenti Şavkat Mirziyoyev 8 mart – Xalqaro xotin-qizlar kuni munosabati bilan ötkazilgan tantanali marosimda sözlagan nutqida mamlakat xotin-qizlarini tabrikladi. Davlat rahbari nutqi matni prezident matbuot xizmati tomonidan e’lon qilindi:
Avvalo, siz, azizlarni, köpmillatli butun yurtimiz ayollarini 8 mart – Xalqaro xotin-qizlar bayrami bilan çin qalbimdan samimiy muborakbod etaman.
Mutafakkir bobomiz Alişer Navoiy buyuk ona siymosi, mötabar ayol zotini uluğlab, ularning baxt-saodati yölida barçamizni fidokor bölişga da’vat etgani albatta bejiz emas.
Çindan ham, mehr-oqibat, olijanoblik, muhabbat va sadoqat kabi yuksak insoniy qadriyatlarni kamol toptirişda, oila qörğonini mustahkamlaşda sizlarning xizmatingizni heç narsa bilan qiyoslab bölmaydi.
Bugungi qutluğ bayramning fayzli Ramazon oyida bölib ötayotgani uning ezgu ruhi va mazmunini yanada oşirmoqda.
Muqaddas dinimiz ham muhtarama onalarimiz, dilbar opa-singillarimiz, munis qizlarimizga hamişa yaxşilik qilişga, ularning izzat-hurmatini joyiga qöyişga buyuradi.
Mana şunday quvonçli ayyomlar barçangizga muborak bölsin!
Hurmatli anjuman iştirokçilari!
Sönggi yillarda xotin-qizlarning huquq va manfaatlarini töliq ta’minlaş, ularning qadr-qimmatini uluğlaş Yangi Özbekistonning davlat siyosatida yetakçi öringa qöyilmoqda.
Bugungi kunda hurmatli ayollarimiz turli soha va tarmoqlarda Vatanimizning jadal taraqqiyoti uçun munosib hissa qöşayotganlarini minnatdorlik bilan e’tirof etamiz.
Masalan, 2017 yilda boşqaruv sohasida xotin-qizlar örtaça 20 foizni taşkil etgan bölsa, hozirda bu raqam 35 foizga yetdi. Oliy Majlis Qonunçilik palatasi deputatlarining 38 foizini, Senat a’zolarining 27 foizini ayollar taşkil etmoqda.
Ayollarning davlat boşqaruvi va parlament faoliyatidagi iştiroki kuçaygani jamiyatimiz rivojiga ham ijobiy ta’sir etayotganini hayotning özi körsatmoqda.
Eng muhimi, aql-zakovatli, bilimli va iste’dodli xotin-qizlarimiz davlat va jamiyatning barça sohalarida namuna bölişmoqda.
Mavzuga oid
Ötgan yili Olimpiya va Paralimpiya öyinlarida mamlakatimiz delegatsiyasi tarkibidagi ayol sportçilardan 3 nafari oltin, 8 nafari kumuş, 3 nafari bronza medalini qölga kiritgani tariximizda ilgari bölmagan natijadir.
Qizlarimiz madaniyat va san’at sohasida ham Özbekiston bayroğini baland kötarişmoqda. Ötgan yili madaniyat va san’at sohasidagi nufuzli xalqaro tanlovlarda 25 nafar, mamlakat miqyosidagi körik-tanlovlarda esa 71 nafar iste’dodli qizlarimiz ğolib bölganlari ham şundan dalolat beradi.
Mana şunday ayollarimiz safi kengayişi, qizlarimiz bunyodkor avlod bölib maydonga çiqişi uçun kelgusida ularga qöşimça şaroitlar yaratib beramiz.
Albatta, bunday keng kölamli işlarimiz xalqaro miqyosda haqli ravişda e’tirof etilmoqda.
Qadrli yurtdoşlar!
Bir haqiqatni barçamiz yaxşi tuşunib olişimiz zarur. Ayollarning taşviş va maşaqqati ham, zimmasidagi mas’uliyati ham erkaklarga nisbatan ança yuqori.
Uy-rözğor işlari va farzand tarbiyasidan ortib, ta’lim olayotgan, mehnat qilayotgan va tadbirkorlik bilan şuğullanayotgan xotin-qizlar zamonamizning haqiqiy qahramonlari, desak, töğri böladi.
Yangi Özbekistonda xotin-qizlarning oğirini yengil qiliş, ular uçun barça sohalarda zarur şaroitlarni yaratib beriş doimo davlat siyosatining eng ustuvor yönalişlaridan biri bölib qoladi.
Şu bois, yangilangan Konstitutsiyamizdagi ijtimoiy davlat tamoyiliga muvofiq, ijtimoiy himoya sohasidagi işlarni tubdan yangiça taşkil etmoqdamiz. Bu borada har bir mahallada xotin-qizlarning holati örganilib, ijtimoiy himoyaga muhtoj va ehtiyojmand 1 million nafar xotin-qizlarimiz “Ayollar daftari”ga kiritildi.
Joriy yilda ularning har biri bilan manzilli işlab, nogironligi bölgan 162 ming nafar ayolga sanatoriy, şifoxona va özlari yaşayotgan mahallada tibbiy yordam körsatiladi, boquvçisini yöqotgan 130 ming nafar xotin-qizga moddiy yordam beriladi, yana 6 ming nafar ayolning uy-joy şaroitlari yaxşilanadi, mehnatga layoqatli va iş izlayotgan opa-singillarimiz işga joylaştiriladi.
Şuningdek, har yili oğir vaziyatga tuşib qolgan 50 ming nafar xotin-qiz mamlakatimizdagi sölim maskanlarga öqiş va hordiq çiqariş uçun yuboriladi. Ularga psixologik yordam körsatilib, tadbirkorlik könikmalarini örgatiş böyiça motivatsion seminarlar taşkil etiladi.
Özbekiston kasaba uyuşmalari federatsiyasi raisi Q.Rafiqov bu işlarga boş-qoş böladi.
Xotin-qizlarning salomatligi – har tomonlama soğlom va qudratli jamiyat poydevoridir.
Şu maqsadda yurtimizdagi 230 ta tuğruq muassasasi 21 mingta eng zamonaviy tibbiy uskunalar bilan jihozlanadi. Bundan taşqari, joriy yilda 1,5 million nafar xotin-qizda saraton kasalligini erta aniqlaş maqsadida skrininglar ötkaziladi.
Ayollar örtasida jismoniy tarbiya va sport ommalaşib borayotgani jamiyatda soğlom muhitni şakllantirişga katta turtki bermoqda. Şu bois, bu yil barça mahallalardagi 4 million xotin-qiz ommaviy sport musobaqalariga jalb qilinadi.
Biz bir muhim haqiqatni hayotimiz qoidasiga aylantirişimiz zarur. Ayollar soğlom bölsa – oila mustahkam böladi, ularda ma’naviy muhit, işçanlik kayfiyati yuksaladi, kelajakka işonç ortadi.
Bugungi kunda yurtimizda 40 mingta ana şunday oila barçaga namuna bölayotgani, ötgan yili ularning 208 tasi “Ibratli oila” kökrak nişoni bilan taqdirlangani barçamizni xursand qiladi.
Birgina misol. Toşloq tumanidagi Qöziboyevlar oilasi 45 yil davomida barçaga örnak bölib kelmoqda. Oila bekasi Muqaddamxon opa umrining 35 yilini yoş avlodga ta’lim-tarbiya berişga bağişlagan. U kişi turmuş örtoği bilan birgalikda fermer xöjaligi ham taşkil etib, tumandagi ellikka yaqin oilani daromadli qilgan.
Yana bir jihatiga e’tibor beringlar. Bu oila 30 dan ortiq ehtiyojmand oilani otaliqqa olib, ularning farzandlariga ğamxörlik körsatib, ta’lim olişi, kasb-hunar örganişiga kömaklaşmoqda.
Mahallalarda barkamol avlodni voyaga yetkaziş va kambağallikka qarşi kuraşişda bizga mana şunday ibratli oilalar yelkadoş bölib kelayotgani har qanday yuksak e’tirofga munosibdir.
Fursatdan foydalanib, Yangi Özbekiston timsoli bölgan ana şunday ibratli oilalarga çin dildan samimiy taşakkurlarimni bildiraman.
Bunday oilalar qança köpaysa, Vatanimiz şunça kuçli, xalqimiz şunça qudratli böladi! Ibratli oila – ibratli va adolatli jamiyat uçun asos böladi.
Aziz opa-singillar!
Barçangizga yaxşi ma’lum, keyingi yillarda xotin-qizlarning sifatli ta’lim olişiga alohida e’tibor qaratyapmiz.
Men bir fikrni takror va takror aytişdan sira ham çarçamayman.
Bitta qizni öqitsak, butun oilaga ta’lim bergan bölamiz. Agar oila bilimli, ma’rifatli bölsa, jamiyatning ongi, madaniy darajasi ham yuksaladi.
Yurtimizdagi 203 ta oliygoh talabalarining 52 foizdan ortiğini xotin-qizlar taşkil etayotgani mana şu ezgu ğoyaning amaliy natijasi, desak, ayni haqiqatni aytgan bölamiz. Ötgan yilning özida magistraturada öqiyotgan 15 mingga yaqin xotin-qizlarga 100 milliard sömga yaqin kontrakt puli tölab berildi.
Hozirgi vaqtda 6 ming 200 dan ortiq xotin-qizlar ilmiy faoliyat bilan şuğullanayotgani, ilmiy işlanmalarning 25 foizini olima ayollarimiz yaratayotgani ham, jamiyatda ularning örni mustahkamlanib borayotganidan dalolat beradi. Ularning orasida xalqaro darajada e’tirof etilayotgan ilm-fan vakillarining borligi barçamizga çeksiz faxr-iftixor bağişlaydi, yoşlarimizni yangi-yangi yutuqlarga undaydi.
Masalan, taniqli mikrobiolog olimamiz Dilfuza Egamberdiyeva şörlangan tuproqda serhosil ekinlar yetiştiriş böyiça olib borgan ilmiy tadqiqotlari uçun YuNeSKOning nufuzli Karlos Finley xalqaro mukofotiga sazovor böldi.
Ayollari öqimişli va kasb-hunarli bölgan yurtda tinçlik va taraqqiyot böladi. Ayollari ma’rifatli bölgan xalq albatta baxtli böladi.
Şu bois, har bir oiladagi qizlarimiz boğça, maktab bilan töliq qamrab olinişi, zamonaviy kasb-hunar va çet tillarini egallaşi, oliy ma’lumotga ega bölişi uçun bundan buyon ham barça şaroitlarni yaratamiz. Xususan, bu yil 250 ming nafar qizimiz oliy ta’limga qamrab olinadi. Bu 2017 yilga nisbatan 3,5 karra köp. Natijada har bir mahalladan 25-30 nafar xotin-qiz oliygohlarda ta’lim oliş imkoniga ega böladi.
Buning uçun Oila va xotin-qizlar qömitasi raisi Z.Mahkamova, Maktabgaça va maktab ta’limi vaziri H.Umarova har bir maktabda yuqori sinfda ta’lim olayotgan qizlarimiz bilan işlaşni individual yondaşuv asosida taşkil etib, ularni oliygohlarga tayyorlaydi.
Bu yil şaroiti oğir oilalardagi iqtidorli yoşlarni xorijda öqitiş böyiça “Yorqin kelajak” loyihasini boşlayapmiz. Uşbu loyiha doirasida kamida 200 nafar qizimiz har yili dunyoning nufuzli oliygohlariga öqişga yuboriladi.
Oliy ta’lim, fan va innovatsiyalar vaziri Q.Şaripov, Kambağallikni qisqartiriş va bandlik vaziri B.Zohidov, Savdo-sanoat palatasi raisi D.Vahobov tizimi esa yana 250 ming nafar xotin-qizni kasb-hunar va tadbirkorlikka öqitiş uçun mas’ul böladi.
Hurmatli anjuman iştirokçilari!
Biz xalqimizning roziligini, avvalo, sizlarning roziligingiz, deb tuşunamiz.
Bu borada ayollarimizni bezovta qilayotgan eng katta masala, bu – işsizlik. Şu bois, xotin-qizlar bandligini ta’minlaş va tadbirkorlikka jalb etiş böyiça katta dasturlarni amalga oşiryapmiz. Ötgan yilning özida bu maqsadlarga 17 trillion söm kredit ajratildi. Ana şunday e’tibor tufayli ayol tadbirkorlarimiz ötgan yili 81 trillion sömlik mahsulot yaratib, 450 million dollarlik eksportni amalga oşirgani albatta tahsinga sazovordir.
Masalan, Navoiy şahrida qandolat va non mahsulotlari işlab çiqaruvçi tadbirkor Şahnoza Karimova 50 nafar ehtiyojmand xotin-qizni öqitib, işga olgan. Şulardan 10 nafariga uy-joy sotib oliş uçun boşlanğiç tölovni tölab bergan.
Eng muhimi, bunday saxovatpeşa tadbirkor ayollar barça hududlarimizda köplab topiladi. Ular “Men – bunyodkor ayolman” degan loyihani ilgari surib, mahallalarda minglab ayollarni kasb-hunarga öqitib, daromadli qiliş taşabbusini bildirgani, töğrisi, meni juda ruhlantirdi.
Men öziga katta ijtimoiy mas’uliyat olgan mana şunday işbilarmon xotin-qizlarni “Yangi Özbekistonning bunyodkor ayollari” deb bilaman va ularga çuqur minnatdorlik izhor etaman. Ularga qanday qöşimça şaroit va yengilliklar kerak bölsa, yaratib berişga tayyorman.
Şu boradagi amaliy qadam sifatida Savdo-sanoat palatasi huzurida Tadbirkor ayollar kengaşini taşkil etsak, nima deysizlar?
Uşbu kengaş joylarda ayol tadbirkorlarni qiynayotgan hayotiy muammolarni hal qiliş böyiça töğridan-töğri parlament oldiga masala qöysa, öylaymanki, ayni muddao böladi.
Savdo-sanoat palatasi raisi örinbosari Nodira Şotursunova bu işlarga boş-qoş böladi.
Bu yil 2 million nafar ayollar bandligini ta’minlaş, şundan 1 million 300 ming nafar xotin-qizni tadbirkorlikka jalb etiş böyiça katta marralar olganmiz. Buning uçun tijorat banklari tomonidan ayollar tadbirkorligini rivojlantiriş uçun qulay moliyaviy paketlar taqdim etiladi.
Misol uçun, “Milliy bank” (A.Mirsoatov) xizmatlar sohasida kamida 200 ming nafar xotin-qizning loyihalariga kömaklaşadi. “Turonbank” ATB (Ç.Mirzayev) limonçilikda 150 ming nafar ayollar daromad topişi uçun arzon kreditlar taqdim etadi.
Xuddi şuningdek, “Mikrokreditbank” ATB (O.Bötayev) parrandaçilikda – 160 ming nafar, “Sanoat quriliş bank” ATB (A.Akbarjonov) sabzavot va köçatlar yetiştirişda – 160 ming, “Xalq banki” (Ş.Otaboyev) uzum, brokkoli va mahalliy karam yetiştirişda – 150 ming, “Agrobank” (E.Qahhorov) boğdorçilik yönalişida – 144 ming, “Biznesni rivojlantiriş banki” (S.Annaqliçev) kökat, bulğor qalampiri, baqlajon va pomidor yetiştirişda – 94 ming, “Asakabank” (Q.Tölaganov) farmatsevtika va uzumçilikda – 82 ming, “Aloqabank” (K.Irisbekova) IT, asalariçilik va mevali ekinlar yetiştirişda 58 ming nafar ayollarimizni band etişga kömaklaşadi.
Şu maqsadda bu yil mahallalarda ayollar tadbirkorligi loyihalari uçun qöşimça 3,3 trillion söm ajratiladi. Xususan, oilaviy tadbirkorlik dasturlari doirasida yana 100 million dollar beriladi. Bunga qöşimça ravişda tijorat banklari ham 100 million dollar jalb qilib, mahallalarda özini özi band qilgan xotin-qizlarga 50 million sömgaça garovsiz kreditlar ajratadi.
Ötgan yili taşkil etilgan “Hamroh” kompaniyasi yangi tizim asosida Tadbirkor ayollarni qöllab-quvvatlaş dasturini boşlagan edi. Bu loyihaga ham 100 million dollar ajratganmiz.
Kreditini vaqtida tölagan ayol tadbirkorlarga uşbu dastur doirasida 100 million sömgaça garovsiz kredit berişni boşlaymiz.
Şuningdek, mahallada 5 nafar ayolni biznesga olib kirgan 1 ming nafar “ustoz” tadbirkorlarga 50 million sömgaça grant ajratiladi.
Markaziy bank (T.Işmetov) tijorat banklari bilan birga ikki oy muddatda banklarda xotin-qizlar uçun yangiça yondaşuv asosida moliyaviy xizmatlarni yölga qöyiş uçun mas’ul böladi.
Masalan, tuğruq ta’tiliga çiqqan ayollar uçun bank kreditlari böyiça tölovlar muddati 10 oygaça uzaytiriladi.
Endi ayollar tadbirkorligini rivojlantiriş böyiça 4 bosqiçli yangi tizimni yölga qöyamiz.
Birinçi bosqiçda biznesga qiziqqan, lekin könikmasi bölmagan 20 ming nafar xotin-qiz tadbirkorlikka öqitiladi. Bunga Savdo-sanoat palatasi (D.Vahobov, N.Şotursunova) mas’ul böladi.
Ikkinçi bosqiçda “Xalq banki” (Ş.Otaboyev, G.Raşidova) özini özi band qilgan 100 ming nafar ayolning kiçik tadbirkor bölişi uçun kömaklaşadi.
Uçinçi bosqiçda har bir tumanda 2 tadan kiçik korxonani namunali örta biznes darajasiga olib çiqişga “Hamroh” kompaniyasi (D.Nurmatova) mas’ul böladi.
Törtinçi bosqiçda Savdo-sanoat palatasi (D.Vahobov) eng faol 50 nafar ayol tadbirkorni yillik aylanmasi 100 milliard sömdan oşadigan “çempion tadbirkor”ga aylantiradi.
Joriy yilda 60 ta tumanni “işsizlik va kambağallikdan xoli hudud”ga aylantiriş böyiça katta marra olganmiz. Bunga qöşimça ravişda hokimlar har bir viloyatning 2 tadan tumanini işsiz ayollar qolmaydigan hududga aylantiriş uçun mas’ul böladi.
Umuman, 2025 yil ayollar bandligini ta’minlaşda hal qiluvçi yil böladi.
Xotin-qizlarni kasb-hunarga öqitiş, işli qiliş va tadbirkorlikni rivojlantiriş hisobidan 2 million nafar ayolning bandligi ta’minlanadi.
Bunda Markaziy bank (T.Işmetov) tijorat banklari bilan 1 million 300 ming nafar, Kasaba uyuşmalari federatsiyasi (Q.Rafiqov) “Ayollar daftari”ga kiritilgan 636 ming, Oila va xotin-qizlar qömitasi (Z.Mahkamova) tadbirkorlik qiliş istagida bölgan 100 ming nafar xotin-qizni öqitib, iş bilan ta’minlaş va biznesini oçişga kömaklaşiş uçun mas’ul böladi.
Z.Mahkamova, Q.Rafiqov bugun aytilgan har bir yönaliş böyiça belgilangan vazifalar ijrosini viloyat, tuman, mahalla darajasida samarali taşkil etişga mas’ul böladi.
T.Norboyeva mahalliy kengaşlar bilan birga bu işlarni tizimli nazoratga olib, mas’ullar iştirokida ularni muntazam muhokama qilib boradi.
Muhtarama opa-singillar!
Bugungi kunda hayotimiz, odamlarning turmuş tarzi, tafakkuri, dunyoqaraşi va madaniyati tobora yuksalib bormoqda.
Oldimizga barça soha va yönalişlarda ğoyat uluğvor maqsadlarni qöymoqdamiz.
Bunga erişiş uçun biz tayanadigan yetuk avlodni tarbiyalab, voyaga yetkaziş siz, azizlarning – fidoyi onalarning qölida.
Şuning uçun siz, muhtarama ayollarimizga ulkan tahsinlar aytib, sizlarni qöllab-quvvatlaşdan heç qaçon çarçamaymiz.
Hurmatli anjuman iştirokçilari!
Bugungi bayram munosabati bilan mehnat faoliyati va jamoat işlarida katta natijalarga erişgan, el-yurtimiz örtasida hurmat va e’tibor topgan muhtarama ayollarimizdan bir guruhi davlatimizning yuksak orden va medallari bilan taqdirlandilar.
Şuningdek, özining bilimi, iqtidori va odobi bilan tengdoşlariga namuna bölib kelayotgan qizlarimizdan 28 nafari turli sohalardagi yutuqlari uçun Zulfiya nomidagi davlat mukofotiga sazovor böldilar.
Vatanimizning yuksak mukofotlari barçangizga muborak bölsin!
Sizlarni öz nomimdan, butun xalqimiz nomidan yana bir bor çin yurakdan tabriklab, kelgusi işlaringizda ulkan yutuq va omadlar tilayman.
Doimo soğ-omon bölinglar!
Qadrli yurtdoşlar!
Muhtarama opa-singillar!
Bugun biz mard va olijanob xalqimizga, uning bunyodkorlik salohiyatiga işonib, boşlagan ulkan islohotlarimizni qat’iy davom ettirişimiz, yangi bosqiçga kötarişimiz lozim.
Jonajon Vatanimizning yangi yuksaliş davrini barpo etişda aziz ayollarimiz doimo oldingi safda böladilar, deb işonaman.
Sizlarni bugungi qutluğ bayram bilan yana bir bor çin qalbimdan tabriklayman.
Barçangizga sihat-salomatlik, xonadonlaringizga tinçlik-omonlik, dunyodagi eng katta boylik – oilaviy baxt-saodat yor bölişini tilayman.
Doimo farzandlaringiz va yaqinlaringiz, el-yurtimiz ardoğida yuriş nasib etsin!
