Xorazm viloyati IIBga yangi rahbar tayinlandi

Polkovnik Abdumajid Shermuhammedov Xorazm viloyati IIB boshlig‘i bo‘ldi. U tayinlovga qadar Yunusobod tumani bo‘yicha IIO faoliyatini muvofiqlashtirish boshqarmasi boshlig‘i lavozimida ishlagan.

Foto: Xorazm viloyati hokimligi

Xorazm viloyati ichki ishlar boshqarmasiga yangi boshliq tayinlandi. Bu haqda viloyat hokimligi xabar berdi.

Abdumajid Shermuhammedov Xorazm viloyati ichki ishlar boshqarmasi boshlig‘i sifatida faoliyat boshladi.

Polkovnik Abdumajid Shermuhammedov tayinlovga qadar Toshkent shahar Yunusobod tumani bo‘yicha ichki ishlar organlari faoliyatini muvofiqlashtirish boshqarmasi boshlig‘i lavozimida ishlagan.

Bundan oldin polkovnik Ravshan Sultonxo‘jayev Xorazm viloyati IIB boshlig‘i lavozimida ishlab kelgandi.

U joriy yilning mart oyi boshida Toshkent shahar Ichki ishlar bosh boshqarmasi boshlig‘i lavozimiga tayinlandi.