Mirziyoyev birinchi prezident maqbarasini ziyorat qildi

Hazrati Hizr majmuasida Islom Karimov xotirasiga Qur’on oyatlari tilovat etilib, duo o‘qildi.

Foto: Prezident matbuot xizmati

Shavkat Mirziyoyev Samarqand shahriga tashrifi yakunida Hazrati Hizr majmuasida bo‘lib, birinchi prezident Islom Karimov maqbarasini ziyorat qildi.

Qur’on oyatlari tilovat etilib, duo o‘qildi.

Qayd qilinishicha, marhumlarning yaxshiliklarini eslash, qabristonlarni obodonlashtirish xalqimizning ezgu qadriyatlaridan. Ushbu maqbara ham Mirziyoyev boshchiligida qurdirilgan, aziz ziyoratgohga aylantirilgan. Muborak Ramazon oyida bunday ezgu amallar barcha joylarda yorqin namoyon bo‘lmoqda.