O‘zbekiston elchisi Abdusalom Hotamov Ummon oliy ta’lim, ilmiy tadqiqotlar va innovatsiya vaziri Rahma bint Ibrohim al-Maxruqiy bilan uchrashuv o‘tkazdi.
Muloqot davomida O‘zbekiston Oliy ta’lim, fan va innovatsiyalar vazirligi va Ummon Oliy ta’lim, ilmiy tadqiqotlar va innovatsiya vazirligi o‘rtasidagi hamkorlikni mustahkamlash, vazirliklar o‘rtasida anglashuv memorandumni ishlab chiqish va imzolash, delegatsiyalar almashinuvini faollashtirish masalalari muhokama qilindi.
Shuningdek, ikki mamlakat oliy ta’lim muassasalari olimlari ishtirokida ilmiy tadqiqot ishlarini olib borishni yo‘lga qo‘yish va O‘zbekiston ta’lim sohasiga grant ajratish imkoniyatlariga e’tibor qaratildi.
