Qoʻshimcha funksionallar
-
Tungi ko‘rinish
Sirojiddin Shamsutdinov yana O‘zbekistonning Jiddadagi bosh konsuli bo‘ldi
Sirojiddin Shamsutdinov O‘zbekistonning Jiddadagi bosh konsuli etib tayinlandi. U 2017–2021 yillarda ham shu vazifada faoliyat olib borgan.
Foto: «Dunyo» AA
O‘zbekistonning Jiddadagi yangi tayinlangan bosh konsuli Sirojiddin Shamsutdinov Saudiya Arabistoni Tashqi ishlar vazirligi Jidda bo‘limi bosh direktorining birinchi o‘rinbosari Ahmad Muhammad Qutb bilan uchrashdi, deb xabar qildi «Dunyo» axborot agentligi.
Muloqot chog‘ida O‘zbekiston va Saudiya Arabistoni o‘rtasidagi aloqalarning bugungi holati va istiqbollari xususida fikr almashildi.
Ahmad Muhammad Qutb O‘zbekiston va Saudiya Arabistoni rahbarlari o‘rtasida o‘rnatilgan yaqin do‘stona va ishonchli munosabatlar tufayli mamlakatlar o‘rtasidagi munosabatlar sifat jihatdan yangi bosqichga ko‘tarilganini, barcha sohalarda yaqin sheriklik faollashib borayotganini mamnuniyat bilan qayd etdi.
Saudiya tomoni yangi tayinlangan bosh konsulga ikki mamlakat o‘rtasidagi savdo-iqtisodiy, madaniy-gumanitar va konsullik-huquqiy sohalarda o‘zaro manfaatli munosabatlarni yanada mustahkamlash borasidagi faoliyatiga har tomonlama amaliy ko‘mak ko‘rsatishga tayyorligini bildirdi.
Sirojiddin Shamsutdinov shu kunga qadar O‘zbekiston Tashqi ishlar vazirligida ishlagan. Diplomat 2017–2021 yillarda ham O‘zbekistonning Jidda shahridagi bosh konsuli vazifasida faoliyat olib borgan. U Toshkent davlat sharqshunoslik universitetini tamomlagan.
Mavzuga oid
16:24 / 12.03.2025
«Tinchlik uchun yaxshi kun» - Jiddadagi muzokaralar yakunlariga dunyo bo‘ylab qanday reaksiya qilinmoqda?
07:36 / 12.03.2025
Ukraina darhol o‘t ochishni to‘xtatishga tayyor - agar Rossiya ham to‘xtatsa. Saudiyadagi muzokaralarning asosiy yakunlari
13:53 / 11.03.2025
Sulh, yon berishlar, harbiy yordam. Jiddada Ukraina va AQSh delegatsiyalari nimalarni muhokama qiladi?
17:19 / 21.02.2025