XJS Netanyahu va Gallantni hibsga olishga order bergan sudyalarga qarshi AQSh sanksiyalarini qoraladi

Xalqaro jinoiy sud (XJC) AQShning Apellyatsiya palatasida Isroil bosh vaziri Binyamin Netanyahu va sobiq mudofaa vaziri Yoav Gallantni hibsga olish orderlarini ko‘rib chiqayotgan to‘rt sudyaga qarshi yangi sanksiyalarini qoraladi.

XJC rasmiy bayonotida ta’kidlanishicha, Vashington tomonidan ko‘rilayotgan chora-tadbirlar 125 davlat mandati ostida faoliyat yurituvchi xalqaro sud organi mustaqilligiga putur yetkazishdir.

«Adolat izlayotgan odamlarga hujum qilish mojarodan aziyat chekayotgan tinch aholiga foyda keltirmaydi. Aksincha, bundan qutulish mumkinligiga ishonganlarnigina ruhlantiradi», deyiladi bayonotda.

Shuningdek, sanksiyalar nafaqat aniq sudyalarga, balki butun tuzilmaga, jumladan, uning xodimlariga, a’zo davlatlar fuqarolari va XJS tarafdorlariga ham qaratilgani ta’kidlangan. XJS urush jinoyatlari, insoniyatga qarshi jinoyatlar, genotsid va tajovuz qurbonlari uchun adolatni ta’minlash uchun Rim statuti va adolat tamoyillariga to‘liq rioya qilgan holda ishlashni davom ettirishga va’da berdi.

Sanksiyaga tushgan sudyalar orasida sud raisi o‘rinbosari, beninlik sudya Reyn Adelaida Sofi Alapini Gansou, ugandalik sudya Solomi Balungi Bossa, perulik Luz del Karmen Ibanez Karansa va sloveniyalik Beti Xokler bor.

Avvalroq AQSh XJS prokurori Karim Xonga nisbatan sanksiyalar kiritgan edi. Falastin ishini ko‘rayotgan olti nafar sudyadan to‘rt nafariga sanksiya qo‘llangan. Fransuz va yapon sudyalari sanksiya ro‘yxatiga kiritilmagani ham e’tiborni tortdi.