Jizzaxda fuqarolardan olib qo‘yilgan yer uchun hokimlikdan kompensatsiya undirildi

Jizzaxda fuqarolardan olib qo‘yilgan yer uchun hokimlikdan kompensatsiya undirildi, deb xabar berdi MIB.

Qayd qilinishicha, 2 nafar fuqaroga tegishli yer maydonining bir qismi davlat va jamiyat ehtiyojlari uchun olinganiga qaramay, ularga o‘z vaqtida kompensatsiya puli to‘lanmagan.

Shundan so‘ng, ular sudga murojaat qilgan. Fuqarolik ishlari bo‘yicha tumanlararo sudining ijro hujjatiga asosan da’vogarlar foydasiga javobgar tuman hokimligidan 441 million so‘m miqdorida kompensatsiya undirish belgilangan.

Sud hujjatining ijrosini ta’minlash maqsadida Majburiy ijro byurosi hududiy bo‘limi tomonidan tegishli tartibda ijro harakatlari olib borilib, hokimlikdan 2 nafar fuqaro foydasiga 441 million so‘m miqdorida kompensatsiya pullari undirilgan.