AQŞ prezidenti Donald Tramp taşabbusi bilan Vaşingtonda joylaştirilgan Milliy gvardiya bölinmalariga 24 avgust, yakşanba kuni keçqurundan boşlab öqotar qurol olib yurişga ruxsat berildi. Milliy gvardiya harbiylari ulardan faqat «oxirgi çora sifatida, faqat hayot va soğliq uçun bevosita tahdidga javoban» foydalanişi mumkin», deyiladi qurolli kuçlarning uşbu bölimiga mas’ul bölgan qöşma işçi guruhi bayonotida.
Mamlakat mudofaa vazirligi 22 avgust kuni poytaxtga joylaştirilgan Milliy gvardiyaning yaqinda qurollanişini e’lon qildi. Uning jangçilari AQŞning «poytaxtda jinoyatçilikni kamaytiriş missiyasi»da qatnaşmoqda, deb ta’kidladi Pentagonning ismi sir qolişini istagan vakili.
Ayni paytda Vaşingtonda Kolumbiya okrugi va Ğarbiy Virjiniya, Luiziana, Missisipi, Ohayo, Tennessi va Janubiy Karolina ştatlaridan 1900 ga yaqin Milliy gvardiya xodimlari joylaştirilgan. Ular, xususan, Oq uy atrofi va Avraam Linkoln yodgorligidan Kapitoliygaça bölgan sayyohlar orasida maşhur hisoblangan Milliy savdo markazi atrofidagi hududni, şuningdek, vokzal va metro stansiyalarini qöriqlaydi.
