Deputatlar va saylovchilar o‘rtasidagi aloqani kuchaytirish choralari tasdiqlandi

Hujjat Qonunchilik palatasi deputatlarining siyosiy faolligini oshirish, ularning saylovchilar oldidagi mas’uliyatini kuchaytirish, shuningdek, hududlarda ijtimoiy ahamiyatga ega muammolarni hal etish vositasi sifatida tashabbusli budjet mexanizmlarini rivojlantirishga qaratilgan.

Hujjat quyidagi asosiy vazifalarni belgilaydi:

• deputatlarni saylov okruglaridagi ijtimoiy muammolarni hal etish uchun zarur resurslar bilan ta’minlash;
• tashabbusli budjet loyihalarini moliyalashtirish ustidan parlament nazoratini kuchaytirish;
• loyihalarni amalga oshirishda davlat-jamiyat sherikligi modelini joriy etish.

Qarorga ko‘ra:

• deputatlar “Ochiq budjet” portalida saralashdan o‘ta olmagan, biroq aholi uchun muhim bo‘lgan har bir fasl uchun bitta loyihadan jami ikkita loyihani g‘olib deb e’lon qilish huquqiga ega;
• Qonunchilik palatasida 11 nafar deputatdan iborat parlament komissiyasi tuziladi;
• har yili 1 maygacha deputatlar saylovchilar bilan muloqot asosida shakllantirilgan takliflarni ijro hokimiyati organlariga taqdim etadi. 

2026 yil 1 yanvardan:

har bir okrugda deputatlar aholining hayotiga eng katta ta’sir ko‘rsatgan ikkita loyihani tanlab, ularni respublika budjeti hisobidan majburiy moliyalashtirishga kiritadi;
“Ochiq budjet” portalida deputatlar tashabbusi bilan ilgari surilgan alohida loyiha toifasi joriy etiladi.
Har bir deputat uchun har yili  bazaviy hisoblash miqdorining 8000 barobari (BHM) miqdorida mablag‘ ajratiladi;
bunday loyihalarga tashabbusli budjetning umumiy loyihalariga qo‘yilgan mezonlar tatbiq etiladi.

Har bir deputat uchun har yili  bazaviy hisoblashning miqdorining 8000 barobari (BHM) miqdorida mablag‘ ajratiladi. Bunday loyihalarga tashabbusli budjetning umumiy loyihalariga qo‘yilgan mezonlar tatbiq etiladi.