Apple kompaniyasi yangi iPhone 17 smartfonini taqdim etdi. U 6 yadroli A19 protsessori, kattalashtirilgan ekran va 256 Gb boshlang‘ich xotiraga ega bo‘ladi.
Smartfon beshta rangda chiqariladi va qurilmani burmasdan vertikal yoki gorizontal holatda suratga olishi mumkin bo‘lgan yangi frontal kameraga ega bo‘ladi.
Asosiy xususiyatlar: diagonali 6,3 dyuym, ekran chastotasi 120 Gs, Ceramic Shield 2, Always On Display, yorqinlik 3000 nit, 6 yadroli A19 CPU va 5 yadroli GPU. Smartfonning avtonomligi iPhone 16 ga qaraganda 8 soat ko‘proq video.
iPhone 17 kamerasi kuchaytirildi. Ultrakeng obektiv olib tashlandi, uning o‘rniga 2 marta kattalashtiradigan 12 Mp televik o‘rnatildi. Asosiy sensor 48 Mp. Frontal kamera 12 dan 18 MP gacha yangilandi va sahnani aniqlash funksiyasi qo‘shildi.
Rekord darajadagi yupqa iPhone Air taqdim etildi
Korpusning qalinligi atigi 5,6 mm. Shuningdek, displey ProMotion texnologiyasiga ega.
Apple kompaniyasi rekord darajada yupqa bo‘lgan iPhone Air smartfonini taqdim etdi. Korpusning qalinligi atigi 5,6 mm.
Displey ProMotion texnologiyasiga ega. Ceramic Shield oldingi modellarga qaraganda to‘rt baravar kuchliroq. Titan ramka 80 foiz qayta ishlangan materiallardan tayyorlangan. Smartfon to‘rt xil rangda chiqariladi.
iPhone Air A19 Pro protsessorida ishlaydi. Kamchiliklardan biri - unda faqat bitta kamera bo‘ladi: 48 MP aniqlik bilan. Frontal kamera ham yangi - 18 MP. Ko‘rinishidan iPhone 17 bilan bir xil.
Yana bir kamchiligi – batareya. Apple an’anaviy ravishda akkumulyator sig‘imini oshkor qilmaydi, lekin u kun bo‘yi ishlaydi deb ta’kidlaydi. Ammo, aftidan, bu faqat magnitli pauerbank bilan.
iPhone 17 Pro va iPhone 17 Pro Max taqdim etildi
Yangi metall kamera bloki, alyuminiy korpus va kattaroq batareya uchun juda qalin korpus.
