O‘zbekiston eng ko‘p oltin qazib oluvchi mamlakatlar o‘ntaligiga kirdi

Qayd etilishicha, o‘rtacha o‘sish sur’atiga qaramay, oltinga bo‘lgan qiziqish ham sanoat, ham moliya bozorlari tomonidan yuqoriligicha qolmoqda.

Ta’kidlanishicha, an’anaviy ravishda Xitoy birinchi o‘rinni egallab turibdi, Rossiya va Avstraliya keyingi o‘rinlarda qayd etilgan. Kanada va AQSh ham kuchli beshlikka kirdi. O‘zbekiston eng yirik o‘nta davlat qatoridan joy oldi. Bu O‘zbekistonning jahon oltin qazib olish va savdosidagi roli ortib borayotganini tasdiqlaydi.

"Oltin qazib olish an’anaviy ravishda O‘zbekiston eksport salohiyatining asosiy yo‘nalishi bo‘lib kelgan. O‘nta yirik ishlab chiqaruvchilar qatoriga kirish iqtisodiy barqarorlikni mustahkamlash, moliya sektorini rivojlantirish va xorijiy investitsiyalarni jalb qilish uchun yangi imkoniyatlar ochadi", – deb yozilgan manbada.