O‘zbekiston va Keniya o‘rtasida diplomatik munosabatlar o‘rnatildi

O‘zbekiston tashqi ishlar vaziri Baxtiyor Saidov Nyu-York shahrida Keniya bosh vaziri va tashqi ishlar va diaspora ishlari bo‘yicha vaziri Musaliya Mudavadi bilan uchrashdi.

Foto: Baxtiyor Saidov / Telegram

«Keniya bosh vaziri va tashqi ishlar va diaspora ishlari bo‘yicha vaziri Musaliya Mudavadi janoblari bilan uchrashganimizdan mamnunmiz, – deb yozdi O‘zbekiston TIV rahbari. –Birgalikda mamlakatlarimiz o‘rtasida diplomatik munosabatlar o‘rnatish to‘g‘risida kommyunike imzoladik. Keniya Afrikaning eng dinamik iqtisodiyotlaridan biri va texnologiya hamda innovatsiyalar markazi sifatida jadal taraqqiyot namoyon etmoqda.

Biz ikki xalq manfaatlariga bevosita foyda keltiradigan samarali hamkorlik imkoniyatlarining keng doirasini muhokama qildik».