Reyting: Nobel mukofoti laureatlari eng ko‘p bo‘lgan mamlakatlar

Nobel mukofoti - insoniyat taraqqiyotiga beqiyos hissa qo‘shganlarni e’tirof etuvchi, dunyodagi eng nufuzli mukofotlardan biri. 1901 yilda ta’sis etilgan bu mukofot bir qator toifalarda, jumladan adabiyot, kimyo, tibbiyot va iqtisodiyot sohalarida beriladi.

Foto: EPA / TASS

Yuqoridagi infografikada 2025 yil holatiga ko‘ra Nobel mukofotlarini eng ko‘p toifalarda qo‘lga kiritgan mamlakatlar taqdim etilgan bo‘lib, innovatsiyalar hamda ilmiy va ijtimoiy taraqqiyotning asosiy markazlarini ko‘rsatadi. Vizualizatsiya uchun ma’lumotlar Vikipediyaning «Mamlakatlar bo‘yicha Nobel laureatlari ro‘yxati» sahifasidan olingan va fuqaroligiga ko‘ra berilgan mukofotlarning umumiy soni hisobga olingan.

To‘rt yuz o‘ttiz sakkizta (428) Nobel mukofoti yoki 34 foizi AQSh fuqarolariga tegishli. Bu ko‘rsatkich bo‘yicha amerikaliklar katta farq bilan peshqadam.

Martin Lyuter King va Ernest Heminguey kabi jasoratli shaxslar AQShni tinchlik va adabiyot toifalarida namoyon eta olgan bo‘lsa, sanoqsiz olimlar zamonaviy tibbiyot va fizikaning shakllanishiga hissa qo‘shgan.

Nobel mukofotini qo‘lga kiritgan fuqarolari soni bo‘yicha yetakchi o‘ntalikka quyidagi davlatlar ham kiradi: Buyuk Britaniya (145), Germaniya (116), Fransiya (79), Shvetsiya (34), Yaponiya (33), Rossiya (30), Kanada (29), Shveytsariya (27) va Avstriya (25).