Qoʻshimcha funksionallar
-
Tungi ko‘rinish
Toshkentda noyob lemurni noqonuniy sotish holati fosh etildi
Ijtimoiy tarmoqlardagi ma’lumotlar asosida o‘tkazilgan o‘rganish natijasida fuqaro M.I. tomonidan halqali quyruqli lemur (Ring-tailed Lemur)ni sotish maqsadida noqonuniy saqlash holati aniqlandi. Ushbu tur CITES konvensiyasining I-ilovasiga kiritilgan bo‘lib, uni tijorat maqsadida sotish, eksport yoki import qilish qat’iyan taqiqlangan.
Foto: Toshkent shahar Ekologiya boshqarmasi
Toshkent shahar Ekologiya boshqarmasi xabariga ko‘ra, ushbu holatda fuqaro “Hayvonot dunyosi to‘g‘risida”gi qonun, Vazirlar Mahkamasining 2014 yil 20 oktyabrdagi 290-son qarori hamda Ma’muriy javobgarlik to‘g‘risidagi kodeksning 90- va 92-moddalari (1-qismlar) talablarini qo‘pol ravishda buzgan.
Belgilangan tartibda ma’muriy bayonnoma rasmiylashtirilib, materiallar jinoyat ishlari bo‘yicha Olmazor tuman sudiga ko‘rib chiqish uchun yuborildi. Olib qo‘yilgan lemur 3 noyabr kuni Toshkent hayvonot bog‘iga vaqtincha karantin sharoitida saqlash uchun topshirilgan.
Boshqarma aholiga eslatib o‘tdi: CITES ro‘yxatidagi hayvon va o‘simlik turlarini noqonuniy saqlash, ko‘paytirish yoki sotish qonun bilan taqiqlanadi. Qonunbuzarlik holatlari aniqlanganda, belgilangan tartibda qat’iy choralar ko‘riladi.
Mavzuga oid
12:08 / 14.01.2026
102 ga qo‘ng‘iroq qilib, “Trampga chora ko‘rishni” so‘ragan fuqaro ma’muriy jazoga tortildi
15:29 / 13.01.2026
Qoraqalpog‘iston va Toshkentda qalbaki dollar o‘tkazmoqchi bo‘lganlar ushlandi
23:15 / 11.01.2026
12 yanvar kuni Toshkentdagi ayrim ko‘chalarda transport harakati vaqtinchalik cheklanadi
18:27 / 10.01.2026