Prezident Shavkat Mirziyoyev bugun TDTUga tashrif buyuradi

Davlat rahbari Toshkent davlat tibbiyot universitetida sog‘liqni saqlash va farmatsevtika sohasi xodimlariga davlat mukofotlarini topshiradi, tizimdagi islohotlar natijalari hamda kelgusi yil ustuvor vazifalarini muhokama qiladi.

Foto: Prezident matbuot xizmati

Bugun prezident Shavkat Mirziyoyev Toshkent davlat tibbiyot universiteti (TDTU) faoliyati bilan tanishadi. Tashrif doirasida:

sog‘liqni saqlash va farmatsevtika sohalarida alohida xizmat ko‘rsatgan mutaxassislarga davlat mukofotlari topshiriladi;
tibbiyot ta’limi sifati, kadrlar tayyorlash, ilmiy-tadqiqot va klinik amaliyotni integratsiya qilish masalalari ko‘rib chiqiladi;
joriy yilda erishilgan islohotlar natijalari tahlil qilinib, 2026 yil uchun ustuvor vazifalar belgilab qabul qilinadi.

Shuningdek, TDTU bazasida ilg‘or o‘quv-uslubiy yondashuvlar, klinik amaliyot, raqamli sog‘liqni saqlash yechimlari va farmatsevtika klasterini rivojlantirish bo‘yicha takliflar ham tinglanishi kutilmoqda.