“Sudyadan adolatli bölişni söragandim”: jabrlanuvçi Gulira’no Qosimova sud zalidan çiqarib yuborildi
|04:35 / 10.11.202527 74612 min
Quva tumanida IIB boşliği va uning örinbosari ustidan körilayotgan işda jabrlanuvçi Gulira’no Qosimova sud zalidan çiqarib yuborildi. Avvalroq OAV vakillari, xususan, Kun.uz sayti muxbirining ham iştiroki çeklangan edi. G.Qosimova ijtimoiy tarmoqlar orqali videomurojaat yöllab, yopiq körilayotgan işda viloyat Içki işlar boşqarmasi yuristlari guvohlarga ta’sir ötkazayotgani, sudlanayotgan va guvohlikka çaqirilgan xodimlarni himoya qilişga urinayotgani, raislik qiluvçi Avazbek Rahimovning adolatsizlik qilayotgani haqida gapirdi.
7 noyabr kuni Furqat tumani IIB mansabdorlari ustidan navbatdagi sud majlisi bölib ötgan va unda jabrlanuvçi Gulira’no Qosimova sud zalidan çiqarib yuborilgan.
Sudning noxolis va adolatsiz ötayotganidan norozi bölgan Gulira’no Qosimova Sirojiddin media sahifasi orqali videomurojaat yölladi. U Prezident administratsiyasi rahbari Saida Mirziyoyevadan işning xolis ötkazilişini ta’minlaşda yordam söragan. Kun.uz uşbu suhbatni keltiradi:
“Men Qosimova Gulira’no Bahodirjon qiziman. Farğona viloyati Furqat tumanidagi 29-maktabda direktor bölib işlayman. Men bilan boğliq voqealardan juda köpçilik internet tarmoqlari orqali xabardor. Men yordamni administratsiya rahbari Saida Şavkatovnadan, keyin Oliy sud rahbaridan sörayman. Iltimos, menga yordam beringlar. Çunki holat açinarli tus olyapti. Men sud jarayonlaridan mutlaqo noroziman. Çunki sudning içidagi holat, öşa yerdagi kamera yozuvlari körilsa, nimadan noroziligimni tuşunib yetasizlar. Sababi men hozir gapira olmayman, çunki mening gapirişimga ham taqiq qöyilgan.
— Öşa sud jarayonlarini sizga aytişga, gapirişga taqiq qöyilgan-a?
— Hozirda bilasizmi, ommaviy axborot vositalari çetlatildi suddan. Yopiq. “Nima uçun, nimaga yopyapsizlar?” deb har gal men e’tiroz qilganimda, tezkor xodimlarning bölayotgan sudida ularning aytadigan gapi maxfiy hisoblanadi, şuning uçun sud yopiq böladi, deyişdi. Lekin biror marta u haqida gap-söz bölgani yöq sudda. Bir qaror yo bir nima haqida gapirilgani yöq sudda. Işonasizmi, şu tadbirda qatnaşgan rahbaridan tortib 10 ta xodim, 11 kişi jami içki işlar xodimi, hammasi telefonini yo sotib yuborgan, yo yöqotib qöygan, yo jiyaniga bergan.
Içkarida öşa Içki işlar boşqarmasining ikkita yuristi, men öşa oçiq holatdagi sud haqida gapiryapman, oydinlik kiritib ketay. Çunki ertaga hali bu murojaatim ham menga muammo bölişi mumkin. Men hozir sudda jabrlanuvçi emas, xuddi sudlanuvçiga öxşayman. U yerdagi jarayonlar haqida na gapira olaman, na biror kimga aytolaman uning içini.
Mavzuga oid
Siz hattoki sud zalidan haydalibsiz. Nimaga?
Sud zalidan haydalganimning sababi – men sudyaga haqiqatan ham köp e’tiroz qildim. Bilasizmi, men hatto qonunlarni ham qarab çiqdim, e’tiroz qilişga haqqim bor ekan. Qaysiki, mana, ularning advokati xohlagan payti turib e’tiroz qila oladi, ruxsat ham söramaydi. Oliy sud körsin şuni, bunday kamerani oçib körsin, öşa yerdagi narsalarni körsa, özi tuşunadi nima demoqçiligimni.
— Demak, siz sudga e’tiroz qilganingiz uçun sizni sud zalidan haydaşdi?
— Ha, mana, aytdimki, nimaga ularning advokatiga ruxsatsiz ham gapirişyapti, bizning advokatlarga… Agar “hurmatli sud, ruxsatingiz bilan gap boşlasam…” desa, “men sizga hali ruxsat berganim yöq” degan holatlar böladi. Keyin aytyapman, köring, mana, orqada sudlanuvçilar bilan mana, Içki işlar boşqarmasining ikkita yuristiga… Guvohlar kim? Öşa içki işlarning xodimlari. Ularga ta’sir ötkazişyapti. Keyin ötgan galda men aytdimki, “bularning ham nimasi tekşirilsin, adolatli bölsin”, degan gapimga… U yerda körişingiz mumkin, men birovni haqorat qilmadim.
— Siz sudda baqir-çaqir qilib, kimnidir haqorat qildingizmi?
— Yöq. Sizga hozir qaysi ohangda gapirayotgan bölsam… Körsin, Oliy sud körsin öşa kamera yozuvini. Men sud raisiga aytdimki, “adolatli böling”. Işonasizmi, u yerda xuddi men jinoyatçiga öxşayman, xuddi menga… U yerda hattoki haqorat qiliş holatlari bölyapti. Unga men reaksiya bildirsam, gap eşityapman yana.
Bu holatlardan norozi bölib sudga raddiya berdik. Raddiyamiz, tabiiyki, rad etildi. Qarang-da, mana, sud yopiq qilinsa, ommaviy axborot vositasi kirmasa, advokatlar hattoki telefonni bitta joyga jamlab qöyişi kerak bölsa… Jamlab qöyilyapti advokatlarning telefoni. Biz biror nima deb e’tiroz qilişga haqqimiz bölmasa… Bilmadim, balki men sud tartibini tuşunmayotgandirman. Lekin yopiq qilişdan maqsad nima?
— Yopiq bölişini özi kim söragan?
— Qarşi tomon sörayapti. Içki işlar xodimlari, Furqat tumani içki işlar xodimlari. Ular sörayapti. Ularning advokati sörayapti. Asosi bormi? Ularning şa’ni uçun yopilişi kerak ekan.
Men savol bersam, u yoqdan bu yoqqa olib qoçadi guvohlar. Keyin “eslolmayapsizmi?” deb turib, “ha, eslolmayapti ekan”. Men buni isbot qilib bera olaman, kimga aytgan, qaysi vaqtda aytgan, nima degan – buni men isbot qilib bera olaman. Lekin sudni agar Oliy sudga olinmasa, guvohlar farğonalik, sudlanuvçilar farğonalik, jabrlanuvçilar farğonalikmiz. Men şu iş jarayonida, mana, generalimiz öşa general, Içki işlar boşqarmasining boşliği, öşa prokuror. Sud, sud Farğonada bölyapti. Bosim bölişi mumkin. Çunki köp hollar, mana, yopiq sud majlisidagi köp holatlar menda şubha uyğotyapti. Keyin aytyapman, kamera yozuvlaridan köring, bular gap örgatib turibdi. Mening hatto şunga ham e’tiroz qilişga haqqim yöq ekan.
Men baqir-çaqir ham qilganim yöq, haqorat ham qilganim yöq. Şu endi sudda söragan narsam – adolatli böling. Ularning advokatiga ham e’tiroz qiling. Mening advokatlarim savol berayotib çalğib ketyapti savol berişga. Çunki mana, hozir siz meni eşitganingiz uçun gapira olyapman.
— Men özim kördim, deyarli u yerda hammasi içki işlar xodimi, ular ham yurist-da, 10 ta yuristga qarşi çiqyapsiz-da hozir.
— Ha, şunday. Bitta qiziq jihati, içki işlardan haydalib ketib, ayblov e’lon qilingan, sudlangan odamni Içki işlar boşqarmasining ikkita yuristi himoya qilyapti.
— Hozir işlamaydi.
— Hozir işlamaydi, işdan ketgan. Keyin böyniga oltita modda bilan ayblov qöyilyapti. Yuristlar bemalol körsangiz, bir-birlari bilan gaplaşib, maslahatlaşib u yerda…
— Yana gaplaringiz bormi?
— Bor. Mana aytişyaptiki, “nimaga birdaniga internetga çiqyapti bu?” Yöq, men birdaniga internetga çiqmadim. Men, misol, tuman prokuraturasiga ariza bilan murojaat qildim. Undan keyin viloyat prokuroriga bordim yordam sörab. Undan keyin general bilan körişganman. “Mana, köring, qaysi xodimlaringiz qaysi ayolni badnom qilib yuborganini köring”, deb bordim. Aprel oyida bölgan-da u voqea.
Bir jurnalist ayol aytyaptiki: "Bularga qarşi çiqmang, sizni öldirib yuborişadi şu ketişingiz bölsa. Siz qayting, töxtang", deyapti. Yöq, töxtamayman. Mana şu kameralaringizga qarab şu gapni aytib olay. Hali yana bu imkoniyat menda böladimi-yöqmi, bilmayman. Çunki sudning ketişidan, hozir men xuddi ayblaniş uçun harakatda bölayotganday bölyapti deb taxmin qilyapman.
Öşa aytyaptiki, öldirib yuborişadi deyapti. Ruhi ölgan odam jismi ölişidan heç qaçon qörqmaydi. Men bu jismim ölişidan heç qaçon qörqmayman. Men kuraşayotgan bölsam, mendan boşqa birorta ayol şunaqa tahqirlanmasin deb kuraşyapman.
Töxtamayman. Öşa Oliy sudga olişsa, öşanda adolatli böladi deb öylayman. Heç kimning kuçi yetmaydi deb öylayapman. Yana bilmadim. Şuning uçun Saida Şavkatovnadan yordam sörayapman. Iltimos, Saida Şavkatovna, mana şu videoni körsangiz, yordam bering. Sizlarga qanaqa ma’lumot boryapti, bilmayman. Heç qaçon özining xodimidan sizga biror nima deb salbiy ma’lumotni aytişmaydi”.
Kun.uz holatga aniqlik kiritiş maqsadida Oliy sud bilan boğlandi. “7 noyabr kuni ötkazilgan sud majlisida jabrlanuvçi G.Qosimova sud majlisini ötkaziş tartibini buzgani sabab qonunçilikda belgilangan tartibda qonuniy çora körilişi haqida ogohlantirilgan bölsa-da, ogohlantiriş ta’sir qilmasdan, takroran sud majlisida tartibni buzib, raislik qiluvçining farmoyişiga böysunmasdan va sudni behurmat qilgani sababli (asos: Jinoyat-protsessual kodeksining 272-moddasi) sudning ajrimiga asosan 2025 yil 7 noyabr kuni ötkazilgan sud majlisidan (şu kungi) çiqarib yuborildi”, deyiladi mahkama matbuot xizmati rahbari Aziz Obidovning Kun.uz’ga bergan izohida.
Obidovning qöşimça qilişiça, keyingi sud majlisi 12 noyabr kuni soat 10:00 da ötkazilişi belgilangan va endilikda sud jarayoni oçiq tarzda bölib ötadi.
Eslatib ötamiz, Kun.uz oldinroq Furqat tumanida maktab direktori bölgan Gulira’no Qosimova bilan sodir bölgan holat haqida suriştiruv e’lon qilgandi. Unda Furqat tumani IIB xodimlari ayolni kaltaklab, kiyimlarini yirtib, yalanğoç holda tasvirga olgani haqida gap boradi. Holat Senat qömitasi tomonidan nazoratga olingan. Ombudsman Furqat tumani IIBning 4 nafar mas’ul xodimi jinoiy javobgarlikdan ozod etilganini ma’lum qilib, holatga aloqador bölgan har bir şaxsning qilmişi töliq va xolisona örganilişini söragan.
Avvalgi sud majlisida körsatma bergan Furqat tuman soliq inspeksiyasi sobiq boşliği, iş böyiça jabrlanuvçilardan biri bölgan Qurbonali Abdurahmonov özi bilan bir vaqtda işlagan tuman IIB boşliği Akmal Xöjayev unga militsiya xodimlari kuniga 20 ta televizor olib berasan degan topşiriq berganini, u rad etganidan söng IIB boşliği “IIBga qarşi çiqiş qanday bölişini körsatib qöyiş” bilan tahdid qilganini eslagandi.
22 oktyabr kuni ötgan sud majlisida esa guvoh tariqasida çaqirilgan IIB xodimlari Ğayrat Otaqulov va Yusuf Yoqubov sudga kelmagani bois sudlanuvçilar Akmal Xöjayev (sobiq IIB boşliği) va Jasur Rasulov (IIB boşliğining sobiq örinbosari) guvohlar eşitilmay turib körsatma bermasliklarini aytgandi.
24 oktyabr kuni Furqat tumani IIB mansabdorlari ustidan navbatdagi sud majlisida jabrlanuvçi ayol yeçintirilgani aytilayotgan “tezkor tadbir” iştirokçisi bölmiş IIB tezkor xodimi Yusufbek Yoqubov söroq qilingan va “davlat siri” degan vaj bilan sudda OAV iştiroki çeklab qöyilgandi.
