2025 yil 11 noyabr kuni Londondagi hakamlar hay’ati raisi, irland dramaturgi Roddi Doyl tegişli marosimda Saleyni “Tana” (Flesh) asari uçun mukofot olganini ma’lum qildi.
52 yoşli yozuvçining ijodiy faoliyatidagi oltinçi romanda Iştvan ismli yoş venger — işçi sinf vakili — harbiy xizmatdan söng vatanidan Londonga köçib, u yerda badavlat odamlarga xizmat qiliş uçun işga joylaşişi hikoya qilinadi.
Muallifning aytişiça, kitob “zamonaviy Yevropa va uni tavsiflaydigan madaniy-iqtisodiy farqlar” haqida.
Qisqa röyxatda Saley bilan birga yana beş muallif bor edi: uç amerikalik — Benjamin Markovits (The Rest of Our Lives), Syuzan Çoy (Flashlight) va Keti Kitamura (Audition); şuningdek, britan yozuvçisi Endryu Miller (The Land in Winter) va hind yozuvçisi Kiran Desai (The Loneliness of Sonia and Sunny).
Saley 2016 yilda ham All That Man Is asari bilan Bukerga nomzod bölgan.
Buker mukofoti 1969 yildan beri topşiriladi. 2014 yildan buyon Buyuk Britaniyada naşr etilgan har qanday ingliz tilidagi asar mukofotga da’vogar bölişi mumkin. Mukofot miqdori 50 ming funt sterling (taxminan 57 ming yevro).
2024 yilda Bukerni britaniyalik yozuvçi Samanta Xarvi “Orbitada” romani uçun qölga kiritgan — asarda Xalqaro kosmik stansiyadagi olti astronavt hayotining bir kuni tasvirlangan.
