O‘zbekiston–YeXHT muloqoti: jurnalistlar malakasini oshirish rejalashtirilyapti

TIV o‘rinbosari Muzaffar Madrahimov YeXHTning OAV erkinligi bo‘yicha vakili Yan Bratu bilan uchrashuv o‘tkazib, mediasavodxonlik va jurnalistlar hamda matbuot kotiblari uchun xalqaro ekspertlar ishtirokida treninglar tashkil etish bo‘yicha qo‘shma loyihalarni muhokama qildi.

Foto: "Dunyo" AA

TIV ma’lumoticha, so‘nggi yillarda O‘zbekistonning YeXHT va uning institutlari, jumladan OAV erkinligi bo‘yicha vakillik bilan hamkorligi yangi sifat bosqichiga chiqdi. Tomonlar o‘zaro manfaatli yo‘nalishlarda sheriklikni kengaytirish, mediasavodxonlikni oshirish, davlat idoralari matbuot xizmatlari va OAV xodimlari uchun o‘quv kurslari va treninglarni yo‘lga qo‘yishga tayyor ekanini bildirdi.

Tashrif doirasida Yan Bratu 13–14 noyabr kunlari Toshkentda o‘tadigan “OAVning xabardor va barqaror jamiyat uchun hayotiy salohiyatini ta’minlash” mavzusidagi 25-Markaziy Osiyo media-konferensiyasida ishtirok etadi.