Saida Mirziyoyeva "ACWA Power" kompaniyasi raisi bilan uchrashdi

Prezident Administratsiya rahbarining "ACWA Power" kompaniyasi raisi va "Vision Invest" kompaniyasi direktorlar kengashi a’zosi Muhammad Abunayan bilan ushrashuvida Qoraqalpog‘istondagi istiqbolli loyihalarga alohida e’tibor qaratildi.

Foto: Telegram/Saida Mirziyoyeva

O‘zbekiston Respublikasi Prezident Administratsiya rahbari Saida Mirziyoyeva "ACWA Power" kompaniyasi raisi va "Vision Invest" kompaniyasi direktorlar kengashi a’zosi Muhammad Abunayan bilan uchrashdi.

"Iqtisodiyotni modernizatsiya qilish va aholi turmush sifatini yaxshilashga salmoqli hissa qo‘shadigan energetika, sog‘liqni saqlash, raqamli texnologiyalar va boshqa tarmoqlarda qo‘shma loyihalarni amalga oshirish masalalari muhokama qilindi.

Keyingi yillarda ishonchli rivojlanish sur’atlarini namoyish etayotgan Qoraqalpog‘istondagi istiqbolli loyihalarga alohida e’tibor qaratildi" deb yozdi Saida Mirziyoyeva o‘zining talagramdagi kanalida.