Sergelida rul boshqaruvini yo‘qotgan BMW haydovchisi beton to‘siqqa urildi

2025 yil 5 dekabr kuni tonggi payt Toshkent shahrining Sergeli tumanida sodir bo‘lgan yo‘l-transport hodisasida BMW avtomashinasi yo‘l o‘rtasidagi beton to‘siqqa urildi. Hodisa natijasida hech kim tan jarohati olmadi.

Foto: Toshkent shahar IIBB YHXB

Toshkent shahar IIBB YHXB axborot xizmati xabariga ko‘ra, soat 10:00 larda Sergeli tumani, Yangi Sergeli ko‘chasida 1989 yilda tug‘ilgan fuqaro P.S. boshqaruvidagi BMW rusumli avtotransport vositasi harakat vaqtida haydovchi rul boshqaruvini yo‘qotgan. Oqibatda avtomashina yo‘lning qatnov qismini ajratib turuvchi beton to‘siqqa urilib, YTH yuzaga kelgan.

Rasmiy ma’lumotlarga ko‘ra, hodisa natijasida tan jarohati olganlar qayd etilmagan. Hodisa sabablari o‘rganilmoqda.

Yo‘l harakati xavfsizligi xizmati barcha haydovchilardan, ayniqsa, noqulay ob-havo sharoitida yo‘l harakati qoidalariga to‘liq amal qilish, oraliq masofani saqlash va tezlikni belgilangan me’yordan oshirmaslikni so‘ragan.

Tayyorlagan: Отабек Матназаров

#YTH #BMW #Sergeli tumani