Qoʻshimcha funksionallar
-
Tungi ko‘rinish
Ilon Mask tarixda birinchi bo‘lib 600 mlrd dollarlik boylikka erishdi
Mask ilk bor 2021 yilda Forbes’ning dunyodagi eng boy insonlar reytingida birinchi o‘rinni egallab, Amazon asoschisi Jyeff Bezosni ortda qoldirgandi. O‘sha paytda jurnal uning boyligini 271 mlrd dollarga baholagan. 2021 yil noyabr oyida Maskning boyligi 300 mlrd dollarga, 2024 yil dekabr oyida 400 mlrd dollarga, joriy yilning oktyabr oyida esa 500 mlrd dollarga yetdi. Forbes hisob-kitoblariga ko‘ra, tadbirkor 2033 yil martiga borib dunyodagi birinchi trillionerga aylanishi mumkin.
Foto: Forbes
SpaceX kompaniyasi asoschisi Ilon Maskning boyligi 677 mlrd dollarga yetdi, deya yozdi Forbes. Oktyabr oyida Mask tarixda birinchi bo‘lib boyligi 500 mlrd dollarga yetgan shaxs sifatida ham qayd etilgandi.
Nashrga ko‘ra, Mask dunyodagi ilk dollar trilliarderi bo‘lish yo‘lida yana bir ulkan qadam tashlagan. Dekabr o‘rtalarida u asos solgan SpaceX kompaniyasining qiymati 800 mlrd dollarga baholangan (avgustda bu ko‘rsatkich 400 mlrd dollar edi). Baholash SpaceX’ning 2026 yilga rejalashtirilayotgan IPO’si oldidan amalga oshirilgan va Maskning boyligini 168 mlrd dollarga ko‘paytirgan.
Forbes’ning yozishicha, Maskning Space X’dagi 42 foizlik ulushi 336 mlrd dollarga, Tesla’dagi 12 foizlik ulushi 197 mlrd dollarga baholanyapti. Bundan tashqari, unga tegishli xAI Holdings kompaniyasi (sun’iy intellekt asosidagi Grok chat-botini rivojlantiradi) hozirda 230 mlrd dollar baholash bilan yangi investitsiyalar jalb etish bo‘yicha muzokaralar olib boryapti.
2024 yilda Informa Connect Academy tahliliy guruhi Mask 2027 yilga borib tarixda birinchi bo‘lib dollar trilliarderiga aylanishi mumkinligini bashorat qilgandi. Multi-milliarder ilk bor 2021 yilda forbesʼning dunyodagi eng boy insonlar reytingida birinchi o‘rinni egallab, Amazon asoschisi Jyef Bezosni ortda qoldirgandi. O‘sha paytda jurnal uning boyligini 271,3 mlrd dollarga baholagan. 2021 yil noyabr oyida Maskning boyligi 300 mlrd dollarga, 2024 yil dekabr oyida 400 mlrd dollarga, joriy yil oktyabr oyida esa 500 mlrd dollarga yetdi. Forbes hisob-kitoblariga ko‘ra, Mask 2033 yil martiga borib dunyodagi birinchi trillionerga aylanishi mumkin.
