Toshkent - Qozon - Toshkent yo‘nalishi bo‘yicha temiryo‘l qatnovlari ochildi, deb xabar berdi Transport vazirligi.
21 dekabr kuni Toshkent-Markaziy vokzalidan 315/316-sonli Toshkent - Qozon - Toshkent yo‘nalishi bo‘yicha yo‘lovchi poyezdi yo‘lga chiqdi.
O‘zbekiston poytaxtini Rossiyaning Tatariston Respublikasi markazi bilan bog‘laydigan qatnovlar haftasiga bir marta amalga oshiriladi.
Poyezd Toshkentdan yakshanba kuni jo‘nab ketadi va chorshanba kuni manzilga yetib boradi. Shuningdek, Qozondan payshanba kuni yo‘lga chiqib, yakshanba kuni yetib keladi.
Poyezd tarkibi 7 ta vagondan iborat bo‘lib, 342 nafar yo‘lovchiga mo‘ljallangan.
