O‘zbekiston tashqi savdosi: Xitoy, Rossiya va Qozog‘iston yetakchi sheriklar

Milliy statistika qo‘mitasining dastlabki ma’lumotlariga ko‘ra, 2025 yilda O‘zbekistonning tashqi savdo aylanmasi 81,2 mlrd AQSh dollarini tashkil etdi. Bu ko‘rsatkich o‘tgan yilga nisbatan 13,9 mlrd dollarga yoki 20,7 foizga oshgan.

Yil yakunlariga ko‘ra, tashqi savdo aylanmasi tarkibida: eksport — 33,8 mlrd dollar (+24 foiz), import — 47,4 mlrd dollar (+18,5 foiz)ni tashkil etgan.

Qayd etilishicha, O‘zbekiston jahonning 210 ta mamlakati bilan savdo aloqalarini amalga oshirmoqda.

Tashqi savdoda eng yuqori ulush quyidagi mamlakatlar hissasiga to‘g‘ri kelgan:

• Xitoy — 21,2 foiz;
• Rossiya — 16,0 foiz;
• Qozog‘iston — 6,1 foiz;
• Turkiya — 3,7 foiz;
• Koreya Respublikasi — 2,1 foiz.