Toshkent Kimyo xalqaro universiteti xalqaro akkreditatsiya sertifikatlariga ega bo‘ldi

Ushbu yutuq o‘quv dasturlari, professor-o‘qituvchilar malakasi va universitet infratuzilmasining yuqori darajada ekanini tasdiqlaydi, xorijiy hamkorlik hamda qo‘shma dasturlar uchun yangi imkoniyatlar taqdim etadi.

Toshkent Kimyo xalqaro universiteti 1 ta institutsional akkreditatsiya, 6 ta bakalavriat hamda 14 ta magistratura yo‘nalishi bo‘yicha xalqaro e’tirofga sazovor bo‘ldi. Ushbu yo‘nalishlar orasida sun’iy intellekt, mexatronika, lift muhandisligi, mexanik va elektr muhandisligi, axborot tizimlari muhandisligi, arxitektura va binolar qurilishi, biotexnologiya, audit va buxgalteriya hisobi kabi zamonaviy hamda iqtisodiyot uchun muhim sohalar mavjud.

Sertifikatlar Markaziy Osiyo universitetlari ta’limni akkreditatsiya qilish assotsiatsiyasi (CAAAE) tomonidan taqdim etilib, universitetdagi ta’lim sifati, boshqaruv jarayonlari va sifat nazorati tizimi xalqaro talablar asosida tashkil qilinganini bildiradi.

CAAAE muhandislik va oliy ta’lim yo‘nalishlarini xalqaro mezonlar bo‘yicha baholovchi nufuzli tashkilotdir. Uning standartlari Bolonya jarayoni tamoyillari va xalqaro amaliyotga muvofiq ishlab chiqilgan. Ma’lumot o‘rnida, bu Toshkent Kimyo xalqaro universitetining birinchi xalqaro akkreditatsiyasi emas.

Ta’kidlash joizki, akkreditatsiya bakalavriat va magistratura dasturlari, professor-o‘qituvchilar salohiyati, o‘quv-uslubiy ta’minot, moddiy-texnik bazaning xalqaro talablar bilan muvofiqligini tasdiqlaydi.

Shuningdek, mazkur yutuq talabalar uchun ishonchli ta’lim muhitini yaratadi hamda xorijiy hamkorlik, qo‘shma dasturlar va akademik almashinuvlarni rivojlantirishga yordam beradi.

Sayt kiut.uz | Facebook | Instagram | Telegram | YouTube

Telefon: +998 78 129 40 40