O‘zbekiston tashqi ishlar vaziri 62-Myunxen xavfsizlik konferensiyasida ishtirok etdi

O‘zbekiston tashqi ishlar vaziri Baxtiyor Saidov Myunxen xavfsizlik konferensiyasida ishtirok etdi.

“62-Myunxen xavfsizlik konferensiyasida ishtirok etdik. Dunyoning turli mintaqalari vakillari xavfsizlik siyosatidagi asosiy masalalarni muhokama qilish uchun bu yerga yig‘ilishdi.

Bugungi kunda Markaziy Osiyo bir mintaqadagi davlatlar umumiy farovonlik yo‘lida o‘z masalalarini tinch yo‘l bilan hal eta olishi, yangi yuzaga kelayotgan tahdidlarga qarshi birlashib, yanada kuchli bo‘lishi mumkinligining yorqin namunasiga aylandi.

Konferensiya davomida ikki tomonlama, mintaqaviy va global miqyosdagi ko‘plab dolzarb masalalar yuzasidan fikr almashish imkoniga ega bo‘ldik. Gruziya, Kuvayt, Saudiya Arabistoni, AQSh, Yevropa Ittifoqi davlatlari va boshqa mamlakatlardan kelgan hamkasblarimiz bilan uchrashishdan mamnun bo‘ldik. Erishilgan yutuqlarni ko‘rib chiqdik hamda yangi istiqbolli maqsadlarni belgilab oldik”, – deb yozdi u o‘zining telegram-kanalida.