Olmazor tumanidagi sobiq “Mushki Anbar” kafesida yong‘in sodir bo‘ldi

Toshkent shahar Olmazor tumanida ta’mirda bo‘lgan sobiq “Mushki Anbar” kafesida yong‘in chiqdi. Qutqaruvchilar hodisa joyiga 7 daqiqada yetib borib, yong‘inni 01:57 da to‘liq o‘chirdi. Jarohatlanganlar yo‘q.

19 fevral kuni soat 01:03 da Toshkent shahar FVBBga Olmazor tumani Qiziltut ko‘chasida joylashgan ta’mirda bo‘lgan sobiq “Mushki Anbar” kafesida yong‘in sodir bo‘layotgani haqida xabar tushgan.

Xabarga muvofiq, qutqaruv texnikalari ko‘rsatilgan manzilga soat 01:10 da yetib borgan. Yong‘in soat 01:44 da qurshab olinib, soat 01:57 da to‘liq o‘chirilgan.

Hodisa oqibatida jarohatlanganlar qayd etilmagan. Hozirda yong‘in sababi va keltirilgan moddiy zarar miqdori aniqlanmoqda.