Eron AQSh zarba bergan taqdirda to‘laqonli qarshi hujumga o‘tmoqchi – OAV

Eron rasmiylari AQSh hujumiga bu safar avvalgidek ramziy harakatlar bilan cheklanib qolmasdan, to‘liq javob bermoqchi, deb yozdi Financial Times (FT) o‘z manbasiga tayanib.

«Tehrondagi rejimga aloqador bo‘lgan xabardor shaxs Eron AQShga nisbatan harbiy rejalarga o‘zgartirishlar kiritganini, asosan ramziy javobdan mojarodan AQSh kuchlari va aktivlariga sezilarli zarar yetkazishga qaratilgan strategiyaga o‘tganini aytdi», deyiladi xabarda.

Suhbatdoshning ta’kidlashicha, bu safar 2020 va 2025 yillarda AQSh bazalariga berilgan zarba kabi «harbiy o‘yinlar» bo‘lmaydi, bu haqda to‘laqonli mojaroning oldini olish maqsadida oldindan xabar berilgan edi. Uning qayd etishicha, Eron o‘z qurollari yetib boradigan hududdagi barcha narsaga, jumladan, AQSh kemalari va Ho‘rmuz bo‘g‘ozidagi nishonlarga hujum qiladi.

Shu bilan birga, u Tehron qarama-qarshilikka intilmayotganini va 26 fevral kuni Jyenevada bo‘lib o‘tishi rejalashtirilgan Eron-AQSh muzokaralari Eron yadroviy dasturi bo‘yicha kelishuvga yo‘l ochishiga umid qilishiga ishontirdi. Manbaning qo‘shimcha qilishicha, agar AQSh «juda cheklangan zarba berishda» to‘xtasa, Eron eskalatsiyaga bormasligi mumkin.

Gazetaning eslatishicha, avvalroq Eron TIV vakili Ismoil Baqoiy Eron AQShning har qanday hujumiga qat’iy javob berishini aytgan.

Eron va AQSh vakillari 26 fevral kuni Jyenevada Eron atom muammosini hal qilish variantlarini muhokama qilish uchun muzokaralarning yangi raundini o‘tkazishi kutilmoqda.