Behzod Normatov prezidentning yoqilg‘i-energetika masalalari bo‘yicha maslahatchisi etib tayinlandi

O‘zbekiston prezidentining farmoni bilan, Behzod Rahmatullayevich Normatov davlat rahbarining yoqilg‘i-energetika masalalari bo‘yicha maslahatchisi etib tayinlandi.

Shunga o‘xshash lavozim 2025 yil dekabr oyida Alisher Sultonov ishdan olinganidan buyon bo‘sh qolayotgan edi.

Muqaddam energetika vaziri o‘rinbosari, “O‘ztransgaz” raisi lavozimlarida ishlagan Behzod Normatov joriy yil fevralidan buyon Prezident administratsiyasida shu’ba mudiri sifatida ish boshlagandi.

Behzod Normatovning mehnat faoliyati:

• 2019 yil dekabr oyigacha “Andijonneft” AJ boshqaruvi raisi lavozimida ishlagan.
• 2019 yil dekabrida Energetika vazirligida Geologiya, neft va gaz qazib chiqarish boshqarmasi boshlig‘i etib tayinlangan.
• 2020 yil aprelida energetika vaziri o‘rinbosari lavozimiga ko‘tarilgan.
• 2021 yil avgustida “O‘ztransgaz” AJ boshqaruvi raisi etib tayinlangan.
• 2023 yil boshida “O‘ztransgaz” raisligidan bo‘shatilgan, shundan so‘ng tog‘-kon va geologiya vaziri maslahatchisi bo‘lib ishlagan.
• 2026 yil fevralida Prezident administratsiyasining Neft-gaz sohasidagi islohotlarni jadallashtirish bo‘yicha loyiha ofisi shu’ba mudiri etib tayinlangan