Anthropic kompaniyasi OpenAI’ni ortda qoldirib, eng qimmat sun’iy intellekt startapiga aylandi

Anthropic so‘nggi moliyalashtirish bosqichida 65 milliard dollar jalb qildi va uning bahosi 965 milliard dollarga yetdi.

Foto: Patrick Sison/AP

Shunday qilib, Anthropic o‘zining eng yaqin raqibi - ChatGPT ishlab chiqaruvchisi OpenAI kompaniyasini ortda qoldirdi (uning so‘nggi investitsiya raundidagi bahosi 852 milliard dollarni tashkil etdi) va sun’iy intellekt sohasidagi eng qimmat startapga aylandi.

Anthropic uchun, The Hill ta’kidlaganidek, bu keskin sakrashdir: uch oy oldin kompaniya 380 milliard dollarlik baholashda 30 milliard dollar jalb qilgan edi.

Anthropic ham, OpenAI ham 2026 yilda IPO qilishni rejalashtirmoqda. Ularning yana bir eng yaqin raqibi Ilon Maskning SpaceX kompaniyasi allaqachon birlamchi joylashtirish uchun ariza topshirib, sun’iy intellekt gigantlari uchligining birinchisi bo‘ldi. 1,25 trillion dollarga baholangan SpaceX Uoll-strit birjasi tarixidagi eng yirik IPO bo‘lishi kutilmoqda.