Yangi miqdorlarga ko‘ra, 3 yoshdan 18 yoshgacha bo‘lgan bir nafar farzand uchun bolalar nafaqasi 295 ming so‘mni tashkil etadi.
Oilaning ikkinchi farzandi uchun qo‘shimcha 177 ming so‘m, uchinchi va undan keyingi har bir farzandi uchun esa qo‘shimcha 118 ming so‘m to‘lanadi.
Shuningdek, 1 iyuldan moddiy yordam miqdori 450 ming so‘m etib belgilandi. Yoshga doir nafaqa hamda nogironligi bo‘lgan bolaning onasiga beriladigan yoshga doir nafaqa miqdori 878 ming so‘mni tashkil etadi.
Bundan tashqari, I guruh nogironlik nafaqasi 1 mln 209 ming so‘m, II guruh nogironlik nafaqasi esa 1 mln 83 ming so‘m miqdorida to‘lanadi.
Nafaqa va to‘lovlar miqdorining oshirilishi aholining ijtimoiy himoyasini kuchaytirish hamda ehtiyojmand qatlamlarni qo‘llab-quvvatlashga qaratilgan.
