Avgustda amalga oşişi kutilayotgan 10 ta top transfer
|16:27 / 02.08.202616 78910 min
Vinisius, Saloh, Rodri va boşqa yulduzlar qaysi jamoalarga ötişi kutilmoqda?
Odatdagidek, eng şov-şuvli transferlar oxirida amalga oşadi.
Jahon çempionati transfer yangiliklarini vaqtinça soyada qoldirgandi. Ammo turnir yakunlanganidan keyin aynan transferlar futbol kun tartibidagi asosiy mavzuga aylandi. Yoz boşidan buyon bir qança yirik transferlar amalga oşib böldi, jumladan, bir neça klub yuz million yevrodan oşuvçi xaridlarni amalga oşirdi. Ammo katta ehtimol bilan, eng qiziq transferlar hali oldindan. Dedlayn yaqinlaşgani sayin muzokaralarda keskinlik kuçayib boradi va şov-şuvli ötişlar ehtimoli ortadi. Quyida avgust oyida transfer bozorida röy berişi mumkin bölgan asosiy özgarişlar haqida.
Bruno Gimarayş, 28 yoş
Pozitsiya: markaziy yarimhimoyaçi Qayerdan: «Nyukasl» Qayerga: «Arsenal» Narxi (Transfermarkt böyiça): 70 million yevro
Braziliyalik uşbu yarimhimoyaçi 1/8 finalda Norvegiya bilan öyinda penaltini urolmagan bölsa-da, jahon çempionatini munosib ötkazdi. U öz hisobiga törtta golli uzatmani yozib qöydi va özining yuqori darajasini yana bir bor isbotladi. Uşbu braziliyalik futbolçiga ançadan buyon Yevropa grandlari qiziqiş bildirib kelmoqda va u uning özi ham yangi bosqiçga ötişga tayyor.
«Nyukasl» yangi mavsumga tarkibi kuçsizlangan holda yetib kelmoqda – Sandro Tonali, Entoni Gordon va boş murabbiy Eddi Hau ketişdi, endi esa Bruno «Arsenal»ga yöl olişi kutilmoqda. L'Equipe ma’lumotiga köra, «Arsenal» uşbu futbolçi transferini 90 million yevro evaziga hal qilişga yaqin. Tomonlar sönggi detallar böyiça kelişib olişi qolgan.
Bredli Barkolya, 23 yoş
Pozitsiya: çap qanot vingeri Qayerdan: «PSJ» Qayerga: «Liverpul» Narxi: 90 million yevro
Barkolya 2025/26 yillar mavsumida Luisa Enrike jamoasida asosiy tarkib futbolçisi emasdi. Şu bilan birga, ispaniyalik murabbiy tez-tez rotatsiyaga qöl urdi va şu tufayli fransuz futbolçisi muntazam ravişda maydonga tuşdi va «PSJ»ning çempionatdagi eng yaxşi töpurariga aylandi.
Mavzuga oid
Iyul oyi boşida Enrike öz intervyusida Barkolya jamoasida qolişini aytgandi. Ammo aftidan, vaziyat özgargan. Yan Diomande uçun kuraşni «Real»ga boy bergan «Liverpul» qanotlarni kuçaytiriş uçun harakatlarini davom ettirmoqda va parijanliklarga taklif bilan çiqqan. Yevropadagi qator insayderlarga köra, ingliz klubi söralayotgan 170 million yevroni tölaşga tayyor emas va narxni tuşirişga urinmoqda. Hozirça bu harakatlar muvaffaqiyatsiz çiqmoqda, lekin mersisaydliklar taklifini yaxşilaşi mumkin.
«Liverpul»da ötgan töqqiz yildan keyin Muhammad Saloh öz faoliyatining eng yorqin davrini yakunladi va ingliz klubini erkin agent maqomida tark etdi. Uning mersisaydliklar safidagi sönggi mavsumi bir tekis keçmadi, ammo bu uşbu misrlik futbolçining jamoa muvaffaqiyatlaridagi uluşini yöqqa çiqara olmaydi. Angliyadagi faoliyati davomida Saloh «Liverpul» bilan köplab sovrinlarni qölga kiritdi va klub tarixidagi eng yaxşi futbolçilardan biriga aylandi.
Ançadan buyon Saudiya Arabistoni klubi Salohni qölga kiritiş uçun asosiy da’vogar hisoblanmoqda. «Al-Ittihod» futbolçiga 25 million yevro miqdorida oylik maoş taklif qilgan. Şuningdek, OAVda «Beşiktoş» bilan kelişuv haqida xabarlar çiqqandi, ammo şu hafta turklar klubi sport direktori Önder Özen bu xabarlarni rad etdi.
«Oltin töp» sohibi va 2026 yilgi jahon çempionatining eng yaxşi futbolçisi yana diqqat markazida. Ispaniyalik yarimhimoyaçi xoçsimon böğimlaridagi jarohatidan töliq tiklandi va yana yuqori darajadagi futbol namoyiş eta boşladi.
Rodrining «Mançester Siti» bilan şartnomasi 2027 yil yoziga qadar tuzilgan, ammo şartnomani yangilaş böyiça muzokaralar çözilmoqda. Bu fonda esa futbolçining «Real»ga ötişi haqida xabarlar tarqalmoqda. Ispaniyadagi naşrlarga köra, futbolçining özi vataniga qaytişni istamoqda, Madrid klubi esa uni maydon markazini kuçaytiriş uçun ideal variant sifatida körmoqda. Şuningdek, vaqti-vaqti bilan «Barselona» tomonidan ham qiziqiş borligi haqida xabarlar çiqmoqda, ammo bunday ssenariy ehtimoli juda past.
Vinisius Junior, 26 yoş
Pozitsiya: çap qanot vingeri Qayerdan: «Real» Qayerga: «Arsenal» Narxi: 140 million yevro
Kilian Mbappe kelganidan keyin aynan fransuz hujumçisi asta-sekinlik bilan «Real» hujum çiziğining asosiy yulduziga aylandi. Va şu fonda Vinisiusning kelajagi borasida turli xabarlar tarqala boşladi. Ispan naşrlariga köra, klub braziliyalik hujumçiga yangi şartnoma taklif qilgan, ammo tomonlar hozirça bu borada kelişa olmayapti.
Agar muzokaralar uzil-kesil boşi berk köçaga kirib qoladigan bölsa, «Real» öz yetakçilaridan biri uçun takliflarni körib çiqişga tayyor böladi. Hozir esa uşbu futbolçi uçun asosiy da’vogar «Arsenal» bölib turibdi, qator manbalarga köra, londonliklar şartnoma muddati tugaşiga bir yil qolgan uşbu futbolçi transferi uçun 120 million yevrodan ortiq mablağ sarflaşga va futbolçini öz tarkibidagi eng köp maoş oluvçi futbolçiga aylantirişga tayyor.
Kristian Romero, 28 yoş
Pozitsiya: markaziy himoyaçi Qayerdan: «Tottenhem» Qayerga: «Inter» / «Barselona» / «Atletiko» Narxi: 50 million yevro
«Tottenhem» öz sardori bilan xayrlaşişi – amalda hal bölgan masala. Argentinalik himoyaçi ötgan mavsumni barqaror ötkaza olmagan bölsa-da, jahon çempionatida hali yaxşi sport formasida ekanini namoyiş etdi. Aftidan, gap futbolçidagi motivatsiyada.
Romero Diyego Simeone tizimi uçun ideal element bölib körinmoqda – «Atletiko» ustozi ham uşbu vatandoşi transferiga şaxsan qiziqiş bildirmoqda. OAV ma’lumotiga köra, futbolçining özi «Barselona»ga ötişni xohlaydi. Şuningdek, «Inter» ham da’vogarlar qatorida, lekin milanliklar klubi hozirça futbolçining moliyaviy talablarini qanoatlantira oladigan holatda emas. Şu bilan birga, köplab insayderlar aynan A Seriya yönalişini ehtimoli yuqori deb hisoblamoqda.
Hulian Alvares, 26 yoş
Pozitsiya: hujumçi Qayerdan: «Atletiko» Qayerga: «Barselona» Narxi: 120 million yevro
Alvares atrofidagi miş-mişlar yozning boşida boşlangandi. Öşanda «Atletiko» va «Barselona» örtasidagi vaziyat keskinlaşgandi: madridliklar klubi kataloniyaliklarni futbolçi bilan noqonuniy aloqa örnatişda ayblagan va hatto klub ustidan şikoyat qilib, FIFAga murojaat yöllagandi.
«Barselona» tomonidan qiziqiş bölişi tuşunarli. Kataloniyaliklar Robert Levandovski ketganidan keyin markaziy hujumçi pozitsiyasi uçun uzoq muddatli yeçim qidirmoqda, Alvares esa uşbu pozitsiya uçun asosiy nişonga aylangan.
Argentinalik hujumçining özi ham «Barselona»ga simpatiyasi borligini yaşirmaydi. «Nima bölişini bilmayman. Ammo menimça, eng yaxşi variant transfer. Men öz orzumga yetişişni istayman», – dedi u JÇ vaqtidagi intervyusida.
«Atletiko» jiddiy qarşiliksiz öz yetakçilaridan birini qöyib yuborişi dargumon. Katta ehtimol bilan, transfer narxini oşiriş uçun madridliklar muzokaralarni imkon qadar çözişadi.
Duşan Vlahoviç, 26 yoş
Pozitsiya: hujumçi Qayerdan: erkin agent Qayerga: «Atletiko»
2022 yilda «Yuventus» 80 million yevrodan ortiq mablağ tölab, Vlahoviçni «Fiorentina»dan sotib olgandi. Turindagi faoliyati davomida serbiyalik hujumçi vaqti-vaqti bilan yorqin davrlarni ötkazdi, ammo u kutilmalarni töliq oqladi, deyiş qiyin. 2026 yil yoziga kelib Vlahoviçning bozordagi narxi, Transfermarkt böyiça, 35 million yevroga tuşib ketdi. Forvardning turinliklar klubi bilan şartnomasi muddati tugagan, şuning uçun u hozir erkin agent maqomida.
Avvaliga Vlahoviç «Barselona»ga ötişi haqida xabarlar çiqqandi, ammo katalonlar bor e’tiborini Hulian Alvaresga qaratişgan. Bu fonda esa futbolçi uçun «Atletiko» asosiy da’vogarga aylandi, agar argentinalik hujumçi ketadigan bölsa, uşbu klub hujumçi izlab bozorga çiqişi kerak böladi. Bu masala köp jihatdan Alvares atrofidagi vaziyatga boğliq böladi.
Ferran Torres, 26 yoş
Pozitsiya: hujumçi, çap qanot vingeri Qayerdan: «Barselona» Qayerga: «PSJ» Narxi: 55 million yevro
Jahon çempionati finalidagi oltin gol muallifi ispan futbolidagi eng köp muhokama qilinayotgan futbolçi bölib qolmoqda. Ferran muntazam ravişda muxlislar va matbuot tomonidan tanqidga uçramoqda.
Sky Spors ma’lumotiga köra, ispaniyalik hujumçi jahon çempionati finaligaça ham «PSJ»ga ötiş variantini körib çiqayotandi. «Barselona»dagilar ançadan buyon hujum çiziğini kuçaytiriş ustida iş olib bormoqda, şu tufayli Torres kelajagi borasida xotirjam emas.
Xabar qilişlariça, parijliklar klubi muzokaralarni çözmoqçi emas va futbolçiga yakuniy qarorni qabul qiliş uçun muddat belgilagan. Agar bu transfer öxşamasa, «PSJ» e’tiborini muqobil variantlarga qaratadi, bu variantlar orasida JÇda porlagan futbolçilardan biri Şarl De Ketelare ham bor.
Rafael Leau, 27 yoş
Pozitsiya: çap qanot vingeri Qayerdan: «Milan» Qayerga: «Mançester Yunayted» / «Galatasaroy» / «Fenerbahçe» Narxi: 50 million yevro
«Men «Milan» tarixiga öz nomimni yozib qöydim, lekin har bir futbolçining orzulari, qiyinçiliklari va erişmoqçi bölgan maqsadlari bor. Hamma yangi çempionatda yangi sinovlarga, tajribaga intiladi. Agar bu tez orada sodir bölsa, juda baxtli va xursand bölaman». Portugaliyalik futbolçi yozni şunday monolog bilan boşlagandi. Leau jahon çempionatidan keyin takliflarni örganib, baho berişini aytgandi.
Lekin uşbu vinger uçun da’vogarlar navbati yuzaga kelmadi. Hozirça unga faqat Turkiyadan qiziqiş bildirilmoqda – «Galatasaroy» va «Fenerbahçe» allaqaçon muzokaralarga kirişgan. Şu bilan birga, «Mançester Yunayted» Rafani Yevropada olib qolişi mumkin. Jurnalist Nikolo Şira xabariga köra, APL klubi rahbariyati «Milan» bilan boğlangan va transfer imkoniyatlarini örgangan.
