Rossiya prezidenti hozirda maxsus komissiya faoliyat olib borayotgani va jarayon bosh vazir nazoratida ekanligini taʼkidlagan.
«Kuni kecha Hukumat raisi bilan bu mavzuda koʻrishib, suhbatlashdik. Ha, hamma masalalar ham toʻliq hal etilmagan, biroq choralar koʻrilmoqda. Bosh vazir vaziyatni nazoratda ushlab turibdi, maxsus komissiya tuzilgan. Albatta, odamlar uchun maʼlum bir noqulayliklar bor, lekin hukumat buni doimiy nazorat qilishi shart», - dedi Putin.
Joriy yilning may oyi oxiridan boshlab Ukraina dronlarining hujumlari fonida Rossiyaning qator hududlarida yoqilgʻi yetkazib berishda uzilishlar kuzatila boshlagandi. Toʻliq yoki qisman cheklovlar 80 dan ortiq hududga taʼsir qildi.
Inqiroz chuqurlashishi iyun oyi va iyulning birinchi yarmiga toʻgʻri kelgandi. Bu davrda Rossiya mintaqalarida benzin sotuviga turli cheklovlar joriy etildi, odamlar yonilgʻi quyish shoxobchalarida soatlab navbatda turishga majbur boʻldi. Shundan keyin Ukraina harbiylari eʼtiborini neftni qayta ishlash zavodlaridan Wildberries marketpleysi omborlariga qaratdi, regionlarda yonilgʻi sotuviga qoʻyilgan cheklovlar bekor qilinishi boshlandi. Ammo, avgust oyidan boshlab taʼminot borasida yana jiddiy muammolar kuzatila boshladi.
