AQSH poytaxti Vashington shahri oʻz tarixida ilk bor nufuzli NTT IndyCar Series poyga seriyasi bosqichiga mezbonlik qildi: mamlakat mustaqilligining 250-yilligiga bagʻishlangan noyob Freedom 250 Grand Prix koʻcha poygasi oʻtkazildi.
Uzunligi 2,7 km boʻlgan vaqtinchalik trassa Milliy alleya atrofida yotqizilib, bolidlar Kapitoliy va Vashington monumenti fonida Pensilvaniya avenyusi boʻylab harakatlandi.
Bosqichning bosh qahramoni Andretti Global jamoasi sharafini himoya qilayotgan amerikalik poygachi Kayl Kirkvud boʻldi. Birinchi qatordan start olgan Kirkvud 147 aylanadan 128 tasida yetakchilikni saqlab qolib, mutlaq ustunligini namoyish etdi.
Freedom 250 Grand Prix yakunlari boʻyicha Kayl Kirkvud (Andretti Global / Honda) 1-oʻrinni, Kristian Lundgor (Arrow McLaren / Chevrolet) 2-oʻrinni, Uill Pauer (Andretti Global / Honda) 3-oʻrinni egalladi.
Ushbu gʻalaba evaziga Kayl Kirkvud mavsum yetakchisi Aleks Paloudan ortda qolish farqini qisqartirib, shaxsiy hisobning top-3 taligidagi oʻrnini mustahkamladi.
