Oʻzbekiston prezidenti Shavkat Mirziyoyev Bishkek shahriga amaliy tashrif doirasida Rossiya prezidenti Vladimir Putin bilan uchrashuv oʻtkazdi. Bu haqda Prezident matbuot xizmati xabar bermoqda.
Uchrashuvda savdo-iqtisodiy hamkorlik jadal rivojlanib borayotgani mamnuniyat bilan qayd etildi. Qayd etilishicha, joriy yil boshidan oʻzaro tovar ayirboshlash hajmi 12 foizga oshgan.
Tomonlar oʻzaro savdoning ijobiy dinamikasini saqlab qolish, sanoat kooperatsiyasi loyihalarini jadallashtirish, shuningdek, hududlararo aloqalarni faol davom ettirish muhimligi taʼkidladi.
Shuningdek, ikki mamlakat oʻrtasidagi faol madaniy-gumanitar almashinuvlarni kelgusida ham kengaytirishga alohida eʼtibor qaratildi.
Bundan tashqari, yetakchilar ikki tomonlama va koʻp tomonlama formatlardagi boʻlajak tadbirlar rejasini ham muhokama qildi.
