Toshkent shahri markazida singan daraxt harakatlanib ketayotgan ikkita avtomobil ustiga quladi.
Poytaxt Favqulodda vaziyatlar boshqarmasiga koʻra, voqea 2-sentabr tong soat 05:32 da Maxtumquli koʻchasi 1-uy qarshisida roʻy bergan.
Qayd etilishicha, hodisa oqibatida tan jarohati olganlar yoʻq.
“Voqea joyiga zudlik bilan qutqaruv ekipajlari va hamkorlikdagi xizmatlar jalb etildi hamda olib borilgan tezkor choralar natijasida yoʻldagi toʻsiqlar bartaraf etilib, avtomobillar harakati qayta tiklandi”, – deyiladi xabarda.
