Oʻzbekiston va Turkiya huquqni muhofaza qiluvchi organlari hamkorligida xalqaro qidiruvdagi ikki nafar fuqaroning turgan joyi aniqlangan.
Ulardan biri - F.F.N. Jinoyat kodeksining 164-moddasi 3-qismi, yaʼni bosqinchilik bilan ayblanib, qariyb toʻqqiz yildan buyon qidiruvda boʻlgan.
Shuningdek, Jinoyat kodeksining 168-moddasi 3-qismi - firibgarlik bilan ayblanib, xalqaro qidiruvga berilgan A.M.A. ham ushlangan.
Har ikki shaxs belgilangan tartibda Oʻzbekistonning vakolatli organlariga topshirilgan. Hozirda ularga nisbatan tergov va protsessual harakatlar davom ettirilmoqda.
