Makka pakti davlatlari Tehronda
26-oktabr kuni Saudiya Arabistoni, Pokiston va Turkiyaning yuqori martabali rasmiylari Tehronda Eron rahbariyati bilan uçraşdi.
Reuters xabariga köra, Saudiya mudofaa vaziri şahzoda Xolid bin Salmon, Pokiston armiyasi qömondoni feldmarşal Osim Munir va Turkiya razvedka xizmati rahbari Ibrohim Kalin Tehronga kelgan. Ular Eron prezidenti Masʼud Pizişkiyon va Oliy milliy xavfsizlik kengaşi kotibi Muhsin Rizoiy bilan muzokara ötkazdi.
Ar-Riyod taşrif «harbiy eskalatsiyaning qaytişiga yöl qöymaslik» uçun muzokara kanallarini oçişga qaratilganini maʼlum qildi. Pokistonlik rasmiyning aytişiça, Munir Trampdan diplomatik yölni sinab köriş uçun ruxsat olgan va Eronga yeçim taklif qilgan. Bu taklif ham AQŞ, ham Eron manfaatlarini hisobga oladi. Reja qabul qilinsa, Makka pakti davlatlari va Qatar kafil bölişi mumkin. Eron esa yadroviy dastur masalasi muhokama qilinmaganini taʼkidladi.
Muhsin Rizoiy bu taşrif «Amerika tahdidlari dunyo davlatlariga kam taʼsir qilişi»ni körsatganini aytdi. Uning sözlariga köra, mintaqada «yangi va ijobiy muhit» paydo bölmoqda.
Uçraşuv Vaşington va Tehron örtasidagi keskinlik kuçaygan paytga töğri keldi. Tramp ötgan haftada AQŞ Eronga yana zarba berişi mumkinligini aytgandi. Eron xavfsizlik rasmiylari esa bunday holatda Fors körfazidagi suvosti kabellariga hujum qiliş rejasini tuzganini maʼlum qildi. Şu kuni husiylar Saudiya neft quvuri va Ar-Riyod aeroportiga hujum qilganini daʼvo qildi, Misr parlamenti esa Saudiyaga harbiy yordam berişni maʼqulladi.
Ammo ayrim tahlilçilar uzoq muddatli natijaga unçalik işonmayapti. Çunki husiylarning öz hisob-kitoblari bor va Eronning ularga taʼsiri mutlaq emas.
Oleşkida öt oçiş töxtatildi
Rossiya va Ukraina Xerson viloyatida Rossiya nazoratidagi Oleşki şahrida mahalliy öt oçişni töxtatiş rejimini joriy qildi. Bu şaharga insonparvarlik yordamini yetkaziş va aholini evakuatsiya qiliş uçun zarur. Rejim 27-oktabr kuni mahalliy vaqt bilan soat 03:00 da kuçga kirdi. Buni ikki tomon ham tasdiqladi.
Rossiya Mudofaa vazirligi Xerson yönalişida öq uzişni töxtatganini maʼlum qildi. Ukraina ombudsmani ham Kiev kelişuvga amal qilayotganini tasdiqladi. Biroq janglar haqiqatan kamayganini mustaqil OAVlar tekşira olmagan.
Oq uy maʼlumotiga köra, kelişuvga AQŞning birinçi xonimi Melaniya Tramp vositaçilik qilgan. Rejaga köra, şaharga avval şifokorlar, dori-darmon, oziq-ovqat va içimlik suvi yetkaziladi, söng evakuatsiya yölaklari oçiladi. Kreml sözçisining aytişiça, ketişni istagan barça tinç aholiga ruxsat beriladi. Evakuatsiyaning özi kamida bir neça kun davom etadi.
