Avtomobil sanoati keskin rivojlana boşlagandan buyon yirik şaharlarda tinimsiz ravişda tirbandliklar sodir bölmoqda. Oqibatda, köplab insonlarning qimmatli vaqti köçada ötib ketmoqda. Şu jumladan, Toşkentda ham.

2023 yil 23 oktyabr kuni poytaxtda 10 balli tirbandliklar sodir böldi. Oqibatda şaharning asosiy köçalarida maşinalar harakati töxtab qoldi va bu avtobuslar harakatiga ham ta’sir körsatdi.

Toşkentdagi tirbandlik

24 oktyabr kuni ertalab şaharning yigirmaga yaqin asosiy köçasida tirbandlik qayta sodir bölgan. Transport vazirligiga köra 70 dan ortiq avtobus yönalişlarida kunning tiğiz paytida qatnov vaqti va oraliq intervalga rioya etişning imkoni bölmagan.

Yöllarda tirbandliklarning kelib çiqişiga bir neçta omillar sabab böladi. Jumladan, maşinalar sonining öta köpligi, köçalarda quriliş-ta’mirlaş işlarining ötkazilişi, haydovçilarning tartibsiz harakatlanişi, yöl-transport hodisalarining sodir bölişi yoki noqulay ob-havo şaroiti maşinalar harakatini çeklab qöyişi mumkin.

Samarqandning markaziy köçalaridan biridagi tirbandlik

Ma’lumotlarga köra tirbandlikdan eng köp Hindiston aholisi aziyat çekadi. Çunki bu davlatda turli transport vositalari juda tartibsiz harakatlanadi va ularni hatto politsiya ham yetarliça nazorat qila olmaydi.

Ayrim davlatlar esa tirbandliklarning oldini oliş uçun ma’lum çeklovlar kiritişgan. Masalan, Singapurda şaxsiy maşinaga ega böliş huquqi sotiladi.

Singapurdagi markaziy köçalardan biri. Jamoat transporti va piyodalar uçun keng joy ajratilgan. \ Foto: singapore-airlines.vn

Hozir bu davlatda şaxsiy maşinaga ega böliş uçun ruxsatnoma oliş 70 mingdan 106 ming dollargaça bölyapti. Odamlar şaxsiy maşina uçun juda katta pul sarflaşdan köra, juda yaxşi rivojlangan jamoat transportida yurişni afzal bilişadi.

Indoneziyada esa 1992 yilda qabul qilingan qonunga köra, yirik şaharlarda haydovçilar özi bilan yana ikki kişini olib yurişga majbur. Agar köçada harakatlanayotgan maşinada yolğiz haydovçining özi bölsa uni jarimaga tortişadi.