09:26 / 07.06.2018
16731

Angrenda oliy ta'lim muassasasini tashkil etish taklifi berildi

Foto: toshvil.uz

«Mening fikrim» jamoaviy murojaatlar portalida Toshkent viloyati Angren shahrida oliy ta'lim muassasasini tashkil etish haqida petitsiya paydo bo‘ldi.

«Angren shahrida erkin iqtisodiy zona faoliyat olib borayotganligi va sanoat tashkilotlari, ularda ish o‘rinlari ko‘pligini inobatga olgan holda, Angren shahrida ham oliy ta'lim muassasasi tashkil etish kerak», - deyiladi murojaat matnida.

Qayd etilishicha, Angren rivojlangan sanoat markazi bo‘lib, angrenlik ko‘pchilik yoshlarda oliy ta'lim muassasasida o‘qishga kirib, ta'lim olish va O‘zbekistonga xizmat qilish istagi kuchli ekan. Toshkent shahri yoki boshqa shaharlarga qatnab o‘qish Angren shahridagi yoshlar hamda ularning oila a'zolari uchun ko‘plab qiyinchiliklarni tug‘diradi.

«Shu sababdan Islom Karimov nomidagi Toshkent davlat texnika universitetining Angren shahar filiali yoki boshqa bir sanoat sohasida kadrlar tayyorlovchi oliy o‘quv yurti tashkil etilsa, maqsadga muvofiq bo‘lar edi», - deyiladi murojaatda.

Eslatib o‘tamiz, avvalroq O‘zbekistonda nafaqalar tayinlashni qayta ko‘rib chiqish taklif etilgandi. 

Top