Toshkent shahriga 2024 yilda yana 200 ta elektrobus olib kelinadi

Poytaxt jamoat transporti bosqichma-bosqich to‘liq «yashil transport» tizimiga o‘tkaziladi.

Foto: O‘zA

Hozirda «Toshshahartransxizmat» avtobus saroyi filiallarida 2017 ta harakat tarkibi mavjud. Ularning 672 tasi dizelda (33 foiz), 1020 tasi tabiiy gazda (50 foiz), 324 tasi elektr energiyasida (17 foiz) harakatlanadi, deb xabar bermoqda O‘zA.

2022—2023 yillarda sotib olingan avtobuslarning 58,7 foizi siqilgan tabiiy gazda, 21,4 foizi elektr energiyasida harakatlanadi.

Mazkur chora-tadbirlar sabab harakat tarkibining o‘zidan chiqadigan zararli moddalar miqdori 2022 yilda 5,1 ming tonnani, 2023 yilda esa yana qisqarib, 4,8 ming tonnani tashkil etgan.

2024 yilda harakat tarkibini 200 dona elektrobus bilan yangilash orqali zararli moddalar miqdorini yillik 4,6 ming tonnagacha kamayishiga erishish rejalashtirilgan.

2024-2030 yillarda qo‘shimcha 1 200 dona elektrobus xarid qilish va avtobuslarni tabiiy gaz yonilg‘isiga o‘tkazish ko‘zda tutilgan.

Avvalroq Toshkent shahri hokimligi BYD kompaniyasi bilan 2 mingta elektrobus xarid qilish bo‘yicha bitim imzolagani ma’lum bo‘lgandi.

Toshkentning jamoat transport tizimi qanday o‘zgardi?

#elektrobus #jamoat transporti