Toshkent metrosining «Tuzel» bekatida ish rejimi qisqaradi

Toshkent metropolitenining «Yer usti halqa yo‘li» yo‘nalishi II bosqichidagi Quruvchilar dahasidan Sergeli mavzesigacha bo‘lgan «Turon» (13-bekat) va «Qipchoq» (14-bekat) metro bekatlarini ishga tushirish maqsadida, 16 dekabrdan «Tuzel» (3-bekat) bekatida ish rejimi soat 06:00 dan 22:00 ga qadar qisqaradi. 

Avvalroq «Texnopark» va «Yashnobod» bekatlarining ish vaqti vaqtincha soat 06:00 dan 22:00 gacha qisqartirilishi haqida xabar berilgandi.

«Olmos» (4-bekat) bekatidan «Quruvchilar» (12-bekat) bekatigacha bo‘lgan bekatlar oralig‘ida ish rejimi o‘zgarmagan holda 05:00 dan 23:00 ga qadar tashkil etiladi. Soat 05:00 dan 06:00 gacha va 22:00 dan 23:00 gacha «Olmos»-«Quruvchilar» bekatlari oralig‘ida bir tomonlama poyezdlar harakati tashkil etiladi.