Saudiya Arabistoni ziyoratchilarning mamlakatga kirishini vaqtinchalik taqiqladi 

Saudiya Arabistoni rasmiylari Makka shahrida Umra amalini bajarish va Madinada Nabaviy Masjidni ziyorat qilish uchun keladigan fuqarolarning mamlakatga kirishini vaqtincha to‘xtatib qo‘ydi. Bu haqda podshohlikning Tashqi ishlar vazirligi bayonotida aytilgan.

«Umra amalini bajarish va Nabaviy Masjidni ziyorat qilish uchun podshohlikka kirish vaqtincha to‘xtatildi», - deya xabar berdi vazirlik Twitter’da.

Bundan tashqari, Tashqi ishlar vazirligi «yangi koronavirusning tarqalishi xavfi» bo‘lgan mamlakatlar fuqarolarining sayyohlik vizalari bo‘yicha kirishi to‘xtatilayotgani haqida ma'lum qildi.

Bundan oldin, koronavirus yana uchta davlatda aniqlangani, Germaniyada epidemiya boshlangani, Litvada favqulodda holat e'lon qilingani xabar berilgandi.